Magıstraldy gaz qubyry Túrkistanda túıisedi

Premer-Mınıstrdiń birinshi orynbasary О́mirzaq Shókeev bastaǵan úkimettik top Ońtústik Qazaqstan oblysynda eki kúndik jumys saparymen boldy. Alǵashqy kúni Shymkenttegi “Nursát” shaǵyn aýdanyna baryp, bas josparǵa sáıkes salynyp jatqan turǵyn úılerdiń qurylysymen tanysty. Búginde munda 41 kóp qabatty turǵyn úıdiń qurylysy júrip jatyr. “Turǵyn­úı­qurylysjınaqbanki” AQ OQO fılıaly salymshylaryna arnap 10 úı salmaq. 6-y úı “Jumyspen qamtý-2020” baǵdarlama­sy­nyń enshisinde. Al, jalǵa beriletin 4 úı men oblys ákimdiginiń bıýd­jetine 4 úı salynyp jatyr. О́.Shókeev Memleket tarapy­nan turǵyn úı salýdyń úsh basym ba­ǵytta júzege asyrylyp jatqa­nyn atap ótti. “Turǵyn­úı­qury­lys­jınaqbanki” AQ salymshy­la­ry­na arnalyp salynǵan turǵyn úılerge qazirdiń ózinde myńǵa jý­yq turǵyndar aryz bergen. Ob­lystyq bıýdjet jáne kommý­nal­dyq úılerdiń sapaly salyný ba­ry­synda oblystyq ákimdiktiń tııa­naqty jumys istep jatqanyn atap ótti. Sonymen qatar, “Tur­ǵyn úı-kommýnaldyq sharýashy­ly­ǵyn jańǵyrtý” baǵdarlamasy­nyq oryndalý barysyna kóńili tolatyndyǵyn bildirdi. Osy joba boıynsha bıyl qalada 13 turǵyn úı kúrdeli jóndeýden ótip jatyr. Táýke han dańǵyly boıyndaǵy kóp qabatty úsh úıde júrgizilip jatqan jumystarmen de tanysty. Keshe Premer-Mınıstrdiń birinshi orynbasary bastaǵan úki­met­tik delegasııa “Beıneý-Bozoı-Qyzylorda-Shymkent” magıstral­dy gaz qubyry jelilik bóliginiń alǵashqy torabyn dánekerleý rásimi sheńberinde «QazTransGaz Aımaq» AQ-tyń Túrkistan qala­syn gazben jabdyqtaý jónindegi jobasymen tanysty. Gaz qubyry qurylysynyń bastalýyna arnal­ǵan saltanatty jıynda О́mirzaq Shó­keev Elbasynyń quttyqtaý ha­tyn oqyp berdi. “Bul qurylys – elimizdiń ın­dýs­trııalandyrý kartasyna engen iri ınfraqurylymdyq jobalar­dyń biri. Gaz qubyrynyń jalpy uzyn­dyǵy 1475 shaqyrymdy qurap, jo­baǵa salynǵan ınvestısııa kó­lemi 3,5 mıllıard dollarǵa jetip otyr. Sonysymen de bul qurylys – Qazaqstan úshin uzaq merzimdi strategııalyq mańyzǵa ıe. Eń bastysy, jańa qubyr oń­tús­tik óńirdi shet memleketterden jetkiziletin kógildir otynǵa degen táýeldilikten qutqarady. Osy ar­qyly elimizde tuńǵysh ret bir­yń­ǵaı ulttyq gaz tasymaldaý júıesi qalyptaspaq. Naqty aıtqanda, aı­maqqa jyl saıyn 6 mıllıard tekshe metr kóleminde gaz jetkiziletin bolady. Sonyń arqasynda ty­ǵyz qonystanǵan ońtústiktegi ha­lyqtyń turmys jaǵdaıyn jaq­sar­typ, óńir ekonomıkasynyń ósýi­ne, ónerkásiptiń qanat jaıýy­na qosymsha múmkindik týmaq. Ási­rese, qubyr qurylysynyń irgesinde jatqan, ultymyzdyń rýhanı ortalyǵy – kıeli Túrkis­tan­nyń jańasha túleýine túrtki bolady dep esepteımin. Iаǵnı, aldaǵy ýaqytta qubyr arqyly 400-den astam eldi mekendegi 2 mıllıonnan astam turǵynǵa kógildir otyn jetkiziledi, 10 myńǵa jýyq adam eńbekpen qam­ty­la­tyn bolady”, delingen quttyq­taýda. Gaz qubyryn tartýdy Qazaqstan jáne Qytaı memleketi teń dárejede birlese júrgizip jatyr. Elimizdi qamtyǵan qu­byr Qytaı eline jol tartady. Sım­vol­dyq mán­ge ıe eki qubyrdy túıistirý saltana­tyn­da Qytaı memleketinen kelgen laýa­zym­dy tulǵalar Lıý Hýa jáne Lıý Tenan sóz alyp, eki jaqty áriptestik qatynasqa qurmetterin bildirdi. Sony­men qatar Munaı jáne gaz mınıstri S.Myńbaev, “QazMunaıGaz” UQ AQ bas­qarma tór­aǵa­sy Q.Qabyldın, Ońtústik Qazaqstan ob­ly­synyń ákimi A.Myr­zah­metov sóz alyp, strategııalyq nysannyń óńir úshin ma­ńyz­dylyǵyn derektermen dáıektep berdi. «QazTransGaz Aımaq» AQ-tyń Túr­kis­tan qalasyn gazben jabdyqtaý jónin­degi jobasy 2013-2016 jyldary júzege asyrylmaqshy. Gazdandyrý jumystary «Beıneý-Bozoı-Qyzylorda-Shymkent» magıstraldy gaz qubyrynyń alǵashqy bóligi iske qosylǵan sátten bastaý alady. Baqtııar TAIJAN, Ońtústik Qazaqstan oblysy.