О́zgerister ilgerileýge serpin beredi

Biz, búgingi aǵa urpaq ókilderi, ótken ǵasyrdyń 90-jyldarynda Keńes Odaǵy atty alyp ımperııa kúırep, ata-baba­larymyz ar­man­­daǵan Táý­elsizdik qo­ly­myz­ǵa tıgenine bór­ki­miz­di kókke ata qýan­ǵa­­ny­myz­ben, ekonomı­kasy tu­ralap, aýyr daǵ­da­rys qyspaǵynda qal­ǵan elimizdiń erte­ńi­ne alańdap, bar úmitimizdi sol kez­­de úlken saıasat arenasynda jul­dyzy jarqyraı kóringen hal­qymyzdyń birtýar uly Nur­sul­tan Nazarbaevtyń esimimen baı­la­nys­ty­rǵan bolatynbyz. Sol bir qıyn-qys­taý kezeńde basym kópshiligimiz uly Abaıdyń «Kóp shýyldaq ne tabar, bılemese bir kemel?!» de­gen dana sózine toqtap, 1995 jyl­ǵy búkilhalyqtyq referendýmda elimizde kúshti prezıdenttik bı­lik ornatýdy qarastyrǵan jańa Kon­stıtýsııany jaqtap daýys ber­g­enbiz. Biz qatelesken joqpyz. Anty­na adaldyq, sertine beriktik ta­nyt­qan Tuńǵysh Prezıdentimiz ti­rel­gen tuıyqtan shyǵar joldy jańylyspaı taýyp, halqymyzdy joqshylyqtan molshylyqqa qaraı jeteleı bildi. Keshe ıy­ǵymyzǵa túsken zil-batpan aýyr­t­­palyq búginde kórgen jaman tús­teı bolyp qana jadymyzda qal­dy. Jurt eńbekaqysy men zeınetaqysyn aılap ala almaı, kedeıshilik zaryn tartqan, qalalyqtar jaryq pen jylýǵa jarymaı, sýyq páterlerinde búr­seń qaqqan, taratylǵan keńsharlardaǵy turaqty ju­mys­­tarynan aıyrylǵan er aza­mat­tardyń kóbi eki qoldaryna bir kúrek tappaı, jerge qaraǵan, al áıel-analar qoradaǵy bir-eki sıyrdan saýǵan súti men odan óndirgen maıyn jınap, alys-jaqyn qa­lalarǵa aparyp satyp, shıetteı bala-sha­ǵasyn asyraý­dy óz moıyndaryna júktegen qıly zamandy eske al­saq, táýbemizge kelip, El­ba­synyń qadirin erekshe sezine tú­semiz. Napoleonnyń: «Eger arys­tan­darǵa qoıdy basshy qylyp qoısań, onda olar qoısha jýasıdy, al kerisinshe jasasań, qoı ekesh qoıǵa da arystannyń júregi bitedi», degen sózi ras. Oǵan Nursultan Nazarbaevtyń sonaý, elimizdegi ekonomıkalyq daǵdarys eńsemizdi áli de ezip-janshyp turǵan 1997 jyly qabyldaǵan «Qazaqstan-2030» Strategııasynyń oıdaǵydaı jú­ze­ge asyrylýy aıǵaq. Basynda oǵan kúmánmen qaraǵandar az bol­masa da, qalyń buqara býyny qatyp, buǵanasy bekimegen jas elimiz keleshekte Tuńǵysh Prezıdentimiz aıtqandaı, barys beıneli, aıbarly da azýly memleketke aınalatynyna kámil sendi jáne Elbasymyz bıik minberlerge shyqqan saıyn qaıtalap aıtýdan jalyqpaıtyn basty qundylyqtar – birlik pen kelisimniń arqasynda asýdan asýǵa kóterilip, alǵa qoı­ǵan aıbyndy maqsatyna on bes jyldyń ishin­­de qol jetkizdi. Sóıtip, álem­­degi básekege qabiletti elý el­diń qataryna qosylyp, Aıdy as­panǵa shyǵardyq. Áýelden «Aldymen – ekonomıka, sodan soń – saıasat» qaǵı­da­tyn temirqazyqtaı buljytpaı us­tanyp, jas elimizdi shırek ǵasyr ýaqyt ishinde búkil álem tanyǵan, bedeldi de qýatty memleketke aınaldyra bilgen Elbasy 25 qańtarda halqymyzǵa Úndeý joldap, endi óz bastamasy boıynsha qolǵa alynǵan bes ınstıtýttyq reformany iske asyrýǵa arnalǵan «100 naqty qadam» Ult jospary aıasynda elimizde eleýli saıası ózgerister bolatyndyǵyn málimdedi. «Biz usynyp otyrǵan reforma eń aldymen óz tájirıbemizge jáne Qazaqstannyń óziniń qajet­tilik­te­rine arqa súıeıdi. Refor­ma­lar baǵdarlamasy – ol Qazaq­stan qaı baǵytta júredi degen saýalǵa biz­diń jaýabymyz. Jaý­ap aıqyn já­ne dáıekti – de­mokratııalyq damý ja­ǵyna qaraı», dedi Memleket basshysy. Elbasy óziniń «Qazaq­st­an­-­2050» Stra­te­gııa­­­synda aı­qyn­­daǵan uly maqsat – álemdegi eń damyǵan memleketterdiń ozyq otyzdyǵyna ený úshin osyn­­daı batyl da asa mańyzdy saıa­­sı qadamdar jasap, óziniń bir­qa­tar ókilettigin Parlament pen Úki­metke bergeli otyr. Al, bı­lik tarmaqtary arasynda óki­let­tikterdi qaıta bólý – Par­la­­­ment pen Úkimettiń elimizdiń áleý­­mettik-ekonomıkalyq damýy úshin jaýapkershiligin barynsha kúsheıtetindigi sózsiz. Biz aldaǵy ýaqytta parlamenttik saılaýda jeńiske jetken partııa Úkimetti jasaqtaýǵa sheshýshi túrde yqpal etýi, Úkimettiń óz ókilettigin bu­rynǵydaı Prezıdenttiń emes, ja­ńadan saılanǵan Májilistiń aldynda toqtatýy, Úkimet mú­she­lerine Parlament palatala­ry tarapynan senimsizdik bil­di­rý tártibin ońaılatý, sóıtip bı­liktiń zań shyǵarýshy tar­ma­ǵynyń atqarýshy tarmaqqa ba­qylaý jasaýyn kúsheıtý, jer­gilikti atqarýshy bılikke qa­tysty da Parlamenttiń rólin arttyrý jónindegi usynystar elimizdiń zań shyǵarý qyzmetin júzege asyratyn eń joǵary ókildi organynyń mártebesin aı­tarlyqtaı kóterip qana qoı­maı, depýtattarǵa júktelgen jaý­ap­kershilikti de eselep aýyr­la­ta­ty­nyn sanamyzben sal­maq­tap, uǵy­nyp otyrmyz. Soǵan oraı ár­qaısymyz ózimizdiń at­qa­ryp júr­gen depýtattyq qyz­me­ti­miz­di synı turǵydan taldap, ony ja­ńa da joǵary talaptarǵa saı je­tildire túsýimiz qajet. Elbasynyń óz bıliginiń eleý­li bóligin Parlamentke óz er­kimen berý jónindegi kemel de biregeı sheshimi elimizde par­la­mentarızmdi damytýǵa úl­ken úles bolyp qosylary daý­syz. Túptep kelgende, Par­la­menttiń ókilettikteriniń keńeı­ti­­lýi iske asyrylyp jatqan mem­­lekettik baǵdarlamalardyń tıim­­diligin arttyryp, bıýdjet qar­jysynyń únemdi de utymdy jum­salýyna, sondaı-aq sybaılas jem­qorlyqqa qarsy is-qımyldy odan ári kúsheıtýge oń yqpalyn tı­gizip, elimizdiń áleýmettik-eko­no­mıkalyq damýyna sony serpin be­reri anyq. Elbasy usynǵan qısyndy de­mokratııalyq ózgerister ýa­qyt synynan ótken kúshti pre­zı­denttik bılikti saqtaı otyryp, bedeldi Parlament pen ashyq Úkimetti qalyptastyrý ar­qyly elimizdi Máńgilik El bolý joly­men odan ári órleýge bas­taı­tyndyǵyna senimdimiz. Káribaı MUSYRMAN, Parlament Májilisiniń depýtaty, «Nur Otan» partııasy fraksııasynyń múshesi