Áli de shıryǵý joq

«Baıaǵy jartas – bir jartas» demekshi, Qazaqstan ulttyq quramasy taǵy da utyldy. Bizdiń qurama endi jeńilister serııasyn syrt alańda jalǵastyra bastaǵan sııaq­ty. Áýeli Anadoly elinen utylyp, Apsheron túbegine barǵan Be­ra­nektiń komandasy Bakýde Ázerbaıjan quramasymen kezdesken edi. Bul joly da 3:2 esebimen jeńilip qaldy. Osy oıyndy ázerıler Astanada bizdiń elimizden jeńilgennen keıin ese qaıtarý úshin úsh aıdan beri kútti. Sol eseni qaıtarý úshin kóp eńbektenip, kóp kúsh jumsady. Aqyr sońynda Ázerbaıjannyń namysqa tyrysqan fýtbolshylary Mo­kınniń qaqpasyna úsh dop soǵyp, eseni qaıtaryp aldy. Bul kezdesýde alań ıe­le­riniń jeńiske jetý yqtımaldyǵy mol bol­ǵanyn aıtý kerek. Alaıda, keshegi Túr­kııamen bolǵan oıynnan keıin ulttyq quramamyz Ázerbaıjanmen kem degende teń oınaıtyn shyǵar dep kútken edik. Odan asyryp aıtsaq, keıbireýlerimizdiń ishimizde oıynda bir dop aıyrma­shy­lyǵymen jeńiske jetemiz be degen dáme bolǵany da jasyryn emes. Degenmen, oılaý bir basqa da, oıyn bir basqa ekenin keshegi kezdesý kórsetip berdi. Bul matchta aldymen alań ıeleri belsendilik tanytyp, shabýylǵa shyqty. Ázer­baıjannyń jartylaı qorǵaýshysy Vagıf Djafadov pen basqa da oıyn­shy­lary sol qaptaldan bizdiń aıyp alańy­myzǵa kelip, kútpegen jerden soqqy jasap, qaýipti jaǵdaılar týǵyzyp otyrdy. Odan keıin bizdiń jigitter de qarsy sha­býylǵa shyǵyp, alystan Agaev qorǵaǵan qaqpany nysanaǵa alyp turdy. Mun­da Sergeı Grıdın men Sergeı Ostapenko birinen soń biri qaqpany dál­degenin aıtý kerek. Alaıda, Kamran Agaev birneshe márte dopty qaıtaryp, qaqpasyn qorǵap qaldy. Oıynnyń birinshi jar­tysy osylaı alma-kezek shabýyldarmen jalǵasyp jatqan kezde ortalyq al­­ańda Jambyl Kókeev oń qaptaldan ashylǵan Aleksandr Kırovqa ádemi pas berdi. Sol kezde ol qaq­pa­nyń aldynda ashylǵan Sergeı Ostapenkoǵa áýe­le­tip dop bergende, sońǵysy ony ny­sa­naǵa dál kózdedi. Esep – 1:0. Osy goldan keıin biz manadan beri shabýyl jasap, Mokınniń qaqpasyna maza bermegen alań ıeleriniń ne isterlerin bilmeı sasqa­laq­tap qalǵanyn kórdik. Biraq olar tez esterin jıyp, qaıtadan bizdiń qaqpaǵa birshama qaýipti soqqylar jasap úlgerdi. Match­tyń birinshi jartysy osylaı aıaqtaldy. Ekinshi taımǵa Ázerbaıjan komandasy oıynǵa tyń oılarmen, jańasha kóz­qaras­pen shyǵyp, 10 mınóttiń ishinde esepti te­ńestirip ketti. Goldyń avtory Raýf Alıev nysanany baspen dál kózdedi. Osydan keıin oıyndaǵy jyldamdyqtaryn arttyr­ǵan alań ıeleri kútpegen jerde bizdiń qaqpaǵa 11 metrlik aıyp dobyn soǵý múm­kindigine ıe boldy. Ony Mahır Shýkıýrov ádemi oryndap, komandasyn alǵa shyǵar­dy. Al bizdiń Mokın bolsa, taǵy da Túr­kııamen oıyn­da­ǵy­daı qaqpanyń oń bu­ry­­shyna sekirip, sol buryshqa tepken dopty ustaı almady. Ázerbaıjan quramasynda úshinshi goldyń avtory manadan beri Mokınge maza bermegen Vagıf Djavadov atandy. Matchtyń bitýine 13 mınót qalǵanda Mıhaıl Rojkovtyń ornyna alańǵa Vıtalıı Evstıgneev shyǵyp, dopqa aıaq tıgizgeni sol eken, alystan eshkim kútpegen gol soqty. Bul bizdiń komandanyń sońǵy eki oıynda soǵylǵan ekinshi ádemi goly bol­­­dy. Osy­dan keıin ulttyq qurama qal­ǵan ýaqytta esepti teńestirýge birshama áre­ket­tenip kórdi. Biraq ázerbaıjan­dyq­tar esepti teńestirýge esh múmkindik bermedi. Jańa bapkerdiń kelýimen ulttyq qu­ra­manyń oıyny birshama jaqsarǵanyn da aıtý kerek. Cheh mamany bizdiń quramaǵa jańasha tártip, jańasha oılaý, óziniń tak­tı­kalyq ádisterin ákeldi. Sonymen birge, ol Reseı jáne basqa elderde oınaıtyn fýtbolshylar qurama úshin jan alysyp, jan berisip oınamasa, olardyń oıyn­da­ry­nan bas tartatynyn ashyq aıtty. Ja­qyn­da Beranek Reseıdiń «Amkar» klýby­nyń jartylaı qorǵaýshysy Alekseı Po­povty endigári ulttyq quramaǵa shaqyr­maı­tynyn kesip aıtqan kórinedi. Bul – óte durys sheshim. Eli úshin namysqa ty­rys­paıtyn oıynshy abyroı ákelmeıtini basy ashyq jáıt. Qazaqstan quramasynyń endi eki oı­y­ny qaldy. Áýeli syrt alańda Belgııamen kezdesip, sońynan óz alańymyzda Avstrııamen oınaımyz. Endi 6 qyrkúıek kúni bolǵan basqa oı­yn­darǵa kelsek, V tobynda Reseı men Irlandııa arasyndaǵy oıyn – 0:0, Makedonııa – Andorra – 1:0, Slovakııa – Armenııa – 0:4 bo­lyp aıaqtaldy. Basqa matchtar my­na­daı esep­pen támamdaldy. S tobynda Ita­lııa – Slovenııa – 1:0, Serbııa – Farer araldary – 3:1, Estonııa – Soltústik Irlandııa – 4:1, D tobynda Rýmynııa – Fransııa – 0:0, E to­byn­da San-Marıno – Shvesııa – 0:5, G to­­byn­da Anglııa – Ýels – 1:0, N tobynda Islan­dııa – Kıpr – 1:0, I tobynda Ispanııa – Lıh­tenshteın – 6:0, Shotlandııa – Lıtva – 1:0. Dastan KENJALIN.