1 aqpanda Qyzylordada oblys aktıviniń otyrysy ótip, onda Memleket basshysynyń Qazaqstan halqyna jyl saıynǵy Joldaýynda belgilengen basymdyqtar boıynsha aımaqty odan ary damytý máseleleri talqylandy. Qyzylorda oblysynyń ákimi Qyrymbek Kósherbaev óńirde sátti júzege asyrylǵan baǵdarlamalar jaıly baıandap, Joldaý basymdyqtarynan týyndaıtyn aldaǵy mindetterge keńirek toqtaldy.
«Memleket basshysy ekonomıkanyń tolyqqandy draıveri retinde qurylys sektoryn odan ári damytýdyń mindetin qoıyp otyr. Tıimdi turǵyn úı saıasatynyń nátıjesinde alǵash ret 2016 jyly Qyzylorda oblysynda jarty mıllıon sharshy metrden astam turǵyn úı salyndy. 15 myńǵa jýyq jer telimderine bir jarym myń shaqyrymǵa taıaý ınjenerlik júıeler tartyldy. Injenerlik-kommýnıkasııalyq ınfraqurylymdy tartý jónindegi aýqymdy jumystar kóp jyldardan keıin tuńǵysh ret oblys aýdandarynda da qolǵa alyndy», – dedi Q.Kósherbaev.
О́ńir basshysynyń aıtýynsha, bilim berý jańa ekonomıkalyq ósýdiń ortalyq býyny bolýy tıis. Oblys ákimi mektepke deıingi bilim berý salasynda 3-6 jas aralyǵyndaǵy balalarǵa tárbıe men bilim berýdi tolyǵymen qamtý týraly Memleket basshysynyń tapsyrmasyn Qyzylorda oblysy 2015 jyly merziminen buryn oryndaǵanyn atap ótti.
«Buǵan óńirde memlekettik-jekemenshik seriktestikti damytýdyń arqasynda qol jetkizildi. Búgingi tańda oblystaǵy balabaqshalardyń 70 paıyzdan astamy osy júıemen jumys isteıdi. Egerde memleket 10 jyl ishinde 37 balabaqsha salyp berse, sońǵy úsh jyldyń ózinde jeke sektor 380-nen artyq balabaqsha ashty. Qyzylorda oblysynyń jaǵymdy tájirıbesin Memleket basshysy óz Joldaýynda atap ótti», – dedi ákim.
Strategııalyq qujattyń basqa da basymdyqtary boıynsha aýqymdy jumystar atqaryldy. Mysaly, bıznes ortany túbegeıli jaqsartý jáne keńeıtý aıasynda oblysta kásipkerlik úıi salynyp, bir aı buryn kásipkerlerge qyzmet kórsetý ortalyǵy jumysyn bastady.
О́tken jyly kúrishten alynǵan rekordtyq ónim, óńdeý ónerkásibiniń qarqyndy damýy – aımaqtaǵy oń ózgeristerdiń aıqyn dáleli.
Oblys ákimi baıandamasynyń sońynda Memleket basshysynyń Joldaýyn júzege asyrý boıynsha birqatar naqty tapsyrmalar júktedi.