Almatyda ótip jatqan qysqy Ýnıversıada oıyndarynda Qazaqstan quramasynyń qorjynyna úshinshi altyn medal tústi.
Bul júldeni bıatlonshy qyzymyz Galına Vıshnevskaıa jeńip aldy. Ol 7,5 shaqyrymǵa sprınt saıysynda úzdik shyqty. Bul qashyqtyqta otandasymyz 21 mınýt, 43,1 sekýnd kórsetkishinde top jardy.
Aıta keteıik, Galına Vıshevskaıa osymen Ýnıversıadanyń ekinshi júldesine qol jetkizip otyr. Buǵan deıin ol 15 shaqyrymda jekeleı synǵa túsip, kúmis medal alǵan. Bul synda Alına Raıkova birinshi orynǵa ıe bolǵan.
Qazaqstan quramasy 28-shi qysqy Ýnıversıada oıyndarynyń úshinshi altyn júldesine ıe boldy. Qorjynynda 3 altyn, 2 kúmis, 4 qola medali bar jerlesterimiz qazirgi ýaqytta komandalyq esepte qaıta ekinshi orynǵa kóterildi.