2017 jyldyń qańtarynda jergilikti atqarýshy organdarmen 210 jumys berýshige sheteldik jumys kúshin tartý úshin 480 ruqsat berildi, óz kezeginde jumys berýshilermen 182,8 mln. teńge mólsherinde salyq alymdary tólendi, dep habarlaıdy QR Eńbek jáne halyqty áleýmettik qorǵaý mınıstrligi.
Ruqsat berý boıynsha memlekettik qyzmet tikeleı jergilikti atqarýshy organdarmen qosa «elektrondyq úkimet» portalynyń «biryńǵaı tereze» prınsıpi arqylyda júzege asyrylady.
Eske sala keteıik, 2017 jyldyń 1 qańtarynan bastap Qazaqstan Respýblıkasyna sheteldik jumys kúshin tartýdyń jańa jeńildetilgen tártibiniń engizilýine baılanysty jumys ruqsattaryn berý merzimi qysqartyldy jáne jumys berýshilerge qatysty erekshe jaǵdaılardy oryndaý, ishki eńbek naryǵynda izdeý júrgizý jáne sheteldik jumysshylarǵa kepildik jarna engizý boıynsha ákimshilik talaptar joıyldy.
Osy erekshe sharttardyń ornyna jumys berýshi jergilikti bıýdjetke tóleıtin jańa salyq alymy engizildi. Alym mólsherlemesi sheteldik jumys kúshiniń sanaty men salasyna qaraı 137 AEK-den 250 AEK-ge deıingi shamada belgilenedi, bul 290 myń men 530 myń teńge aralyǵy.
Bul rette jumys berýshilerge qoıylatyn kadrlarǵa jergilikti qamtylym jónindegi sharttardy saqtaý talaptary ózgermeıdi, ıaǵnı: basshylar men olardyń orynbasarlary boıynsha keminde 70 %, mamandar men bilikti jumysshylar boıynsha keminde 90 %.