Bıznes sýbektileriniń bilim berý salasyna salǵan qarjysy bir jylda 37,9% ósse, densaýlyq saqtaý men áleýmettik qyzmet salasyna salǵan ınvestısııasy 7,2% ulǵaıǵan.
2016 jyly bilim berý salasyna salynǵan ınvestısııa 219,3 mlrd teńgeni qurady. 2015 jylǵy kórsetkish te osyndaı bolǵan. Al 2014 jyly ınvestısııa kólemi 229,4 mlrd teńge boldy. 2013 jylǵymen salystyrǵanda bul 58,4% artyq, dep jazady ranking.kz.
Sońǵy birneshe jylda kásipkerlerdiń áleýmettik salaǵa qarjy salýyna túrtki bolǵan faktor memlekettik-jeke menshik seriktestik baǵdarlamasynyń qolǵa alynýy.
Tıisinshe, memlekettik sektor áleýmettik salaǵa quıatyn tikeleı ınvestısııasyn 2015 jyly 13,1% azaıtsa, 2016 jyl 16,9% qysqartty. Al kásiporyndardyń ózindik qarajaty 2014 jyly 2,2 ese, 2015 jyly 22,9 paıyz, al 2016 jyly 37,9 paıyz kóbeıdi.
2016 jyl qorytyndysy boıynsha, bıznestiń bilim berý salasyna salǵan qarajaty jalpy ınvestısııanyń shamamen 42%-yn qurasa, 2015 jyly bul kórsetkish 30,2%, 2014 jyly 23,5%, 2013 jyly 17,2%-dy quraǵan.
О́ńirler boıynsha eń kóp ınvestısııa Astana qalasyna tıesili. Elordadaǵy ınvestısııa kólemi 67,1 mlrd teńge, bul respýblıka boıynsha salynǵan qarajattyń 30,6%-yn quraıdy. Astanadaǵy eń iri ınvestısııa negizinen Nazarbaev Ýnıversıtetine tıesili.
Sonymen qatar, alǵashqy úshtikte 38,8 mlrd teńgemen (17,7%) Almaty oblysy jáne 33 mlrd teńgemen OQO bar.
Al densaýlyq saqtaý salasyna keler bolsaq, salaǵa salynǵan memlekettik jáne jergilikti bıýdjet ınvestısııasy bir jylda 30,1% qysqardy. Kerisinshe, bıznestiń ózindik qarajaty 2016 jyly 7,2% ulǵaıyp, 23,5 mlrd teńge boldy. 2015 jyly bul kórsetkish 5% bolǵan edi. Al 2014 jyly 2013-pen salystyrǵanda birden 67,6% kóbeıgen bolatyn.
Jalpy, 2016 jyly densaýlyq saqtaý jáne áleýmettik qyzmet kórsetý salasyna salynǵan qarajat 62,8% ósimdi kórsetti. Degenmen, bul 2015 jylǵymen salystyrǵanda 20,2% az. Sonyń ishinde 37,5% kásipkerlerdiń ózindik qarjysy.
О́ńirler boıynsha densaýlyq saqtaý salasyna eń kóp qarjy salǵan kásipkerler Almaty oblysynda (8,3 mlrd teńge, respýblıka boıynsha salynǵan ınvestısııanyń 13,3%-yn quraıdy). Sonymen qatar alǵashqy úshtikte Astana qalasy (78 mlrd teńge) men Almaty qalasy (7,3 mlrd teńge).