«Astana EKSPO-2017» ulttyq kompanııasy temir jolmen saparlarǵa halyqaralyq kórme bıletiniń qunyn qosý tetikterin qarastyryp jatyr, dep habarlaıdy QazAqparat.
Degenmen, EKSPO-ǵa barýǵa nıetti emes azamattarǵa bılet baǵasy óspeıdi.
«Qazaqstan temir joly» kompanııasymen kelisimdi bekittik. Olar óz kezeginde bıletterdiń tıisti kólemin aldy. Endi olar poıyzben tasymaldaý qunyna qosarlap satýy múmkin. Búginde bılet qunyn qosa esepteýdiń tetikterin qarastyryp jatyrmyz. Iаǵnı, Astana baǵytynda temir jol bıletin satyp alý kezinde poıyz bıletine qosymsha EKSPO kórmesine de bılet beriledi», dedi «Astana EKSPO-2017» UK» AQ Kommersııalaý departamentiniń dırektory Dáýlet Erkimbaev.
«Jalpy, osy baǵytta bılet baǵasy ósetin bolady, alaıda jolaýshy EKSPO-ǵa barǵysy kelmese, onda poıyz bıleti burynǵy somada satylady. Al eger de halyqaralyq kórmege bıletti qosarlap alsa, jalpylaı alǵanda bılet quny arzanǵa túsedi», dep naqtylady ol.
Onyń sózine qaraǵanda, búginde 610 myńǵa tarta bılet satylyp, sonyń 12 paıyzǵa jýyǵyn sheteldikter aldy. Bılettiń quny 4 myńnan bastalyp, 8 myńǵa deıin jetedi.