Jambyl oblysynda 50 aýyl sharýashylyǵy óndiristik kooperatıvi quryldy, dep habarlady О́ńirlik kommýnıkasııalar qyzmeti.
Oblystyń aýyl sharýashylyǵy qurylymdary arasynda agroónerkásip keshenin jáne aýyldyq aýmaqtardy damytýdyń memlekettik saıasatyn iske asyrý sheńberinde aýyl sharýashylyǵy kooperatıvterin qurýdy yntalandyrý maqsatynda túsindirý jumystaryn júrgizýge jergilikti bıýdjetten 7 mln 540,0 myń teńge qarajat bólinip, «Qazaq agrarlyq-ónerkásiptik kesheniniń ekonomıkasy jáne aýyldyq aýmaqtardy damytý ǵylymı zertteý ınstıtýty» JShS mamandarymen birlese otyryp, sharýashylyqtar arasynda aýyl kooperasııalarynyń qaǵıdattary men tetikteri týraly túsindirý jumystary júrgizildi. Aýdandarda sharýashylyq jetekshilerimen jalpy 44 semınar-keńester ótkizilip, 1000-ǵa jýyq arnaıy ázirlengen kitapshalar men býkletter taratyldy.
Nátıjesinde búgingi kúni oblysta 27 aýyl sharýashylyǵy óndiristik kooperatıvteri qurylyp, Ádilet basqarmasynan tirkeýden ótse, 23 aýyl sharýashylyǵy kooperatıvteri qaıta tirkeýden ótip, oblysta búgingi kúni 700-ge jýyq usaq sharýashylyqtar men jeke qosalqy sharýashylyqtar músheleri biriktirilip, 50 aýyl sharýashylyǵy óndiristik kooperatıvi qurylǵan.
Sonymen qatar, oblysta sút klasteri boıynsha 2 aýyl sharýashylyǵy óndiristik kooperatıvi qurylyp, quramyna 57 sharýashylyq birikken. Egin sharýashylyǵy baǵytynda 36 kooperatıv quramyna 631 sharýashylyq birikse, mal sharýashylyǵy baǵytynda 6 aýyl sharýashylyǵy óndiristik kooperatıv quramyna 68 sharýashylyq birikken.
«Aýyl turǵyndaryn turaqty jumyspen qamtý jáne aýyl sharýashylyǵy ónimderiniń óndiris kólemin arttyrý maqsatynda jeke qosalqy sharýashylyqtardyń áleýetin paıdalaný esebinen azyq-túlik qaýipsizdigi máselelerin sheshý» jospary boıynsha oblysta sút baǵytynda 2 aýyl sharýashylyǵy óndiristik kooperatıvi quramyna 50 jeke qosalqy sharýashylyq múshelikke tirkelse, et baǵytynda 4 aýyl sharýashylyǵy óndiristik kooperatıvi quramyna 116 jeke qosalqy sharýashylyq birikken.
Sondaı-aq, aǵymdaǵy jyly oblys boıynsha 40 aýyl sharýashylyǵy óndiristik kooperatıvterin qurý josparlanyp otyr. Onyń ishinde 6-y jeke qosalqy sharýashylyqty biriktirý arqyly et, sút, kókónis, qus sharýashylyǵy ósirý baǵytyndaǵy aýyl sharýashylyǵy óndiristik kooperatıvterin qurý.