EKSPO-2017 Halyqaralyq mamandandyrylǵan kórmesin ótkizýge daıyndyq sheńberinde Astana qalasynyń ákimdigi gıd-aýdarmashylardy daıyndaý boıynsha jobany iske asyrýda, dep habarlady elorda ákimdiginiń baspasóz qyzmeti.
1-28 aqpan aralyǵynda «Astana Konvenshn Bıýro» JShS-inde aqysyz negizde gıd-aýdarmashylar retinde oqýdan ótýge nıet bildirgen jáne kásibı qyzmetin ekskýrsııalyq ispen baılanystyrýdy josparlaǵan shet tilderin biletin adamdardy qabyldaý bastalady.
Kýrstarǵa 18 jasqa tolǵan, qazaq, orys tilderin, shet tilin (Upper Intermediate tómen emes), Astana qalasynyń tarıhyn, kórikti jerlerin, kartasyn jaqsy biletin, mádenı jáne iskerlik qarym-qatynas daǵdylary, týrızmge qyzyǵýshylyǵy bar azamattar qatysa alady.
Oqytý eki aı boıy jalǵasady, oǵan aýdıtorııalyq (dáris) jáne tájirıbelik sabaqtar kiredi, kýrs aıaqtalǵanda gıd-aýdarmashy sertıfıkaty tabys etiledi.
Jobaǵa qatysý úshin joǵary, aıaqtalmaǵan joǵary nemese arnaıy orta bilimi baryn qýattaıtyn qujattardyń kóshirmesin; shet tilin meńgerý deńgeıin qýattaıtyn qujattardyń (dıplom, sertıfıkat) kóshirmesin; qylmystyq quqyq buzýshylyqty jasaǵany týraly málimetterdiń joqtyǵy nemese bar ekeni týraly anyqtamany; psıhonevrologııalyq dıspenserden anyqtamany; narkodıspanserden anyqtamany tapsyrý qajet.
Jobaǵa qatysýǵa ótinishter kelesi poshta meken-jaılary boıynsha qabyldanady: ainur.welcome@gmail.com, yessilova.a@gmail.com, kadnikovaolga2015@gmail.com, visitastana.kz@gmail.com