Astana qalasynyń qarjy basqarmasynyń málimetinshe, 2015-2019 jyldarǵa arnalǵan «Nurly jol» ınfraqurylymdy damytýdyń memlekettik baǵdarlamasyn iske asyrýǵa 29 859,4 mln.teńge somada bıýdjettik qarajat bólindi, onyń ishinde ıgerilgeni 29 773,4 mln.teńge (99,7%), dep habarlady elorda ákimdiginiń baspasóz qyzmeti.
Qarjy jylýmen – sýmen jabdyqtaý jáne sý burý júıelerin qaıta qalpyna keltirý men salýǵa, ınjenerlik – kommýnıkasııalyq ınfraqurylymdy jobalaý, damytý jáne (nemese) ornatýǵa, bastaýysh, negizgi orta jáne jalpy orta bilim berý obektileriniń qurylysy jáne qaıta qalpyna keltirýge jumsaldy.
Daǵdarysqa qarsy sharalardy iske asyrý maqsatynda memlekettik jáne úkimettik baǵdarlamalardy iske asyrý barysynda turǵyn úı qurylysyn qarjylandyrý maqsatynda qarajattar tartý úshin oblystardyń, Astana jáne Almaty qalalarynyń jergilikti atqarýshy organdarymen memlekettik baǵaly qaǵazdardy shyǵarý kózdeldi.