Qazaqstanda 2017 jyly ınflıasııa 0,8% qurady, dep habarlady Ulttyq ekonomıka mınıstrliginiń baspasóz qyzmeti.
«Baǵa azyq-túlik taýarlaryna ótken aıda 1,2%, azyq-túlik emes taýarlaryna – 0,7%, aqyly qyzmetterge – 0,4%-ǵa ósti.О́tken aıda baǵanyń ósýi kartopqa 6,9%, jańadan jınalǵan kókónisterge – 6,7%, jańadan jınalǵan jemisterge – 1,7%, sıir etine – 1,5%, koservilengen sútke – 1,3%, máıekti irimshikke – 1,2%, qara shaıǵa – 1,1%, sary maıǵa – 1%, kondıterlik ónimderge – 0,9%, qus etine – 0,8%-ǵa belgilendi. Baǵanyń tómendeýi qantqa, qaraqumyq jarmasyna 0,8%-dan, jumyrtqaǵa – 0,2%-ǵa tirkeldi», - delingen habarlamada.
Baǵa ósimi ballondaǵy suıytylǵan gazǵa 3,4%, benzınge – 2,1%, avtomobılderge – 1,4%, gazetter, kitaptar jáne keńse taýarlaryna – 0,9%, shyny jáne qyshtan jasalǵan ónimderge, farmasevtıkalyq ónimderge, turmystyq aspaptarǵa – 0,8%-dan, jýǵysh jáne tazalaǵysh quraldarǵa – 0,7%, jıhaz jáne úıge qajetti zattarǵa, toqyma buıymdaryna – 0,6%-dan, jeke qoldanatyn taýarlarǵa – 0,5%-dy qurady.
Quqyqtyq qyzmetter úshin tólem 7%, kólik quraldaryn saqtandyrý – 6,8%, demalys, oıyn-saýyq jáne mádenıet salasyndaǵy qyzmetter – 1,2%, densaýlyq saqtaý qyzmetteri – 1%-ǵa ósti. Qalaaralyq avtobýspen jol júrý aqysy 1,8%-ǵa qymbattady, al áýe kóligimen – 8,6%, alys qashyqtyqqa qatynaıtyn jolaýshylardyń temir jol kóligimen – 1,9%-ǵa arzandady.
Turǵyn úı-kommýnaldyq qyzmetter salasynda tarıfter kárizge 5,6%, elektr energııasyna – 1,3%, sýyq sýǵa – 0,5%-ǵa joǵarylady.