Qara altynnyń álem boıynsha eń iri eksporttaýshysy Saýd Arabııasy naýryz aıynda munaıdyń barlyq túrine baǵany kóteredi, dep habarlaıdy investing Saudi Aramco kompanııasynyń baspasóz qyzmetine silteme jasap.
Eń kóp qymbattaıtyn Arab Extra Light markasynyń tutynýshylary sanalatyn soltústik-batys Eýropa elderi naýryzdan bastap barreline $1,35 artyq tólemek. Nátıjesinde, aldaǵy aıda bul markanyń baǵasy Brentten $1,55 arzan bolady.
Saýdııanyń soltústik-batys Eýropa elderine satatyn basqa da munaı markalary $1,15-1,25 qymbattasa, Jerorta teńizi elderi úshin óndiriletin qara altyn quny $1 qymbattaıdy. Tek Arab Extra Light markasynyń ǵana baǵasy $1,25 kóterilmek.
Azııa elderi úshin saýdııa munaıy barreline $0,2-1 aralyǵynda, al amerıkalyq tutynýshylar úshin $0,15-0,3 aralyǵynda qymbattamaq.