Amerıkalyq valıýta beısenbi kúni ótken jyldyń qarasha aıynan bergi eń tómengi kórsetkishke quldyrady. Oǵan sebep bolǵan Tramptyń saýda saıasatynda ulttyq ekonomıkaǵa basymdyqty arttyrýy, dep jazady investing basylymy.
AQSh dollarynyń kórsetkishi álemdik alty ózge valıýtalarǵa shaqqandaǵy baǵamy keshe kúni boıy tómendep, 99,20 deńgeıine deıin quldyrady. Mundaı kórsetkish eń sońǵy ret 14 qarashada bolǵan edi.
Investorlar AQSh prezıdenti Donald Tramptyń budan keıin qandaı ustanymda bolatynyn boljap bas qatyrýda. Ásirese, sońǵy sózinde ol dollardyń álsireýine múddeli ekenin bildirgennen keıin treıderler tipti mazasyzdana bastady.
«Álemniń barlyq elderi devalvasııamen ómir súredi. Qytaıdyń ne istep jatqanyn qarańyzdar. Japonııa birneshe jyl boıy sony jasap keldi. Olar valıýta naryǵymen oınaıdy. Devalvasııany ádeıi isteıdi. Al biz myna jaqta aqymaqter sııaqty otyrmyz", - dedi Tramp.
Tramptyń pikiri onyń saýda boıynsha keńesshisi Pıter Navarronyń Germanııa, Japonııa men Qytaıǵa qatysty aıtqan "bul elderdiń devalvasııasy ózge elderdiń aldynda artyqshylyq beredi" degen synynan keıin aıtylǵan edi.
Tramptyń ulttyq ekonomıkalyq saıasaty men kóshi-qon qaýlysy dollardy qańtar aıynda 2,6 paıyzǵa deıin túsirip jiberdi. Bul sońǵy on jyldaǵy eń nashar jyl bastamasy. HSBC banki Donalda Trampty valıýtalyq monıpýlıator retinde aıyptap, dollardyń álsireýine tikeleı ony kinálap otyr.
Investorlar áli de Vashıngtonnan jaqsy habar kútip otyr. Investorlar áli de Tramp aldaǵy ýaqytta ekonomıkany yntalandyrý, ınfraqurylymdy damytý men korporatıvti salyqty arttyrý týraly ońtaıly sheshimder qabyldaıdy dep úmittenedi.