Reseılik tanymal ánshi Vıtas resmı málimdeme jasady. Bul týraly reseılik ánshi áleýmettik jelilerdegi paraqshalarynda jarııalady.
"Qymbatty dostar! Resmı málimdeımin: sońǵy tórt kúnde meniń tarapyma áleýmettik jelilerde jaǵymsyz pikirler tym kóp aıtyla bastady. Men kez kelgen shyǵarmashylyqqa, árbir shyǵarmashylyq adamǵa qurmetpen qaraıtynymdy aıtqym keledi. Sot organdaryna júginýge nemese saraptama jasaýǵa, bótenniń múlkine talasýǵa, basqa ártisterdiń shyǵarmashylyq ómirine ıa ónerine aralasýǵa beıim adam emespin. Eshqashan bulaı jasamaımyn da", - dep jazdy Vıtas.
Sonymen qatar, ol kez kelgen ártistiń aınalasyndaǵy quqyqtar qaıshylyǵy jaıly máseleniń belgili bir eldiń múddesin qorǵaıtyn prodıýserdiń jáne kompanııanyń quzyreti ekenin aıtyp otyr.
"Zań boıynsha daýlar bolǵan da, bolady da jáne tanymal oryndaýshylarǵa qatysty mundaı máselelerdiń shyǵýy - qalypty jaǵdaı, biraq bul jaǵymsyz pikirge, qaqtyǵysqa, ásirese qorlaýǵa sebep bolmaýy kerek", - dep jazdy Vıtas Feısbýktegi paraqshasynda.