Tabıǵat qorǵaý poılısııasynyń qyzmetkerleri birden úsh elikti jaıratyp salǵan brakonerdi ustady. Arnaıy reıd júrgizgende polıseıler aǵashty-ormandy Meńdiǵara aýdanynyń aýmaǵynan zańsyz ańshylyq jasaǵan 63 jastaǵy kúdiktini toqtatqan bolatyn. Rasynda, onyń «Ýral-Kýng» markaly mashınasynan atyp alǵan úsh elik jáne «MR-153» myltyǵy tabyldy. Brakoner jalǵyz da emes eken, onyń qasynda serigi boldy. Týǵan tabıǵatqa taǵylyq kózben qaraǵan ol endi QR QK 337-babynyń 1- tarmaǵy boıynsha «Zańsyz ańshylyq» jasaǵany úshin sot aldynda jaýap beretin bolady, qazir sotqa deıingi tergeý jumystary júrip jatyr.
О́tken jyly Qostanaı oblysynda polısııa qyzmetkerlerinen turatyn arnaıy jedel top qurylǵan bolatyn. Olar zańsyz ańshylyq jasaǵandar men zańsyz aǵash keskenderdi anyqtaıdy.
Názıra Járimbetova, «Egemen Qazaqstan»