Alınadan keıin Galına salǵan altyn
Bul joly taǵy bıatlonshy qyzdarymyz erledi, kútkendeı-aq boldy! Alına Raıkova Ýnıversıadadaǵy eń alǵashqy altyndy qanjyǵasyna baılaǵan kúni Galına Vıshnevskaıa kúmiske quryq salyp edi, esterińizde bolar! Mine, búgin sol Galına Vıshnevskaıanyń aty ozdy! Qazaqstan qorjynyna 3-shi altyn medal tústi! Entigin baspaı turyp jýrnalısterge suhbat bergen úshinshi altynnyń ıesi Galına Vıshnevskaıa əńgimeni ótkendegi 15 shaqyrymdyq al ǵashqy «kúmis-jarysty» eske alyp bastady: – Sol kúni ketken esemdi qaıt- kende de qaıtaramyn dep ózime ózim ýəde etip edim. Búgin men úshin aýa raıy da qolaıly boldy, jankúıerler qoldaýyna da qatty rı- zamyn. Sondyqtan da, bul jeńisimdi janyma jylý, shýaq syılaǵan, kúsh- jiger bergen barsha jankúıerlerge arnaımyn! Búgingi 7,5 kılometrlik jarys jolynda myltyq atý kezinde bir ret «súringen» sportshy qyzymyz qashyqtyqty 21 mınýt 43,1 sekýnd- ta júgirip ótti. Galına shyn məninde əriptesterin shań qaptyryp ketti. Ýkraınalyq Iаna Bondar (+22.8) kúmis, reseılik Anastasııa Egorova (+36.7) qola medal aldy. Qazaq- standyq quramanyń bıatlonshylary Darıa Ýsanova 7-shi, Anna Kıstalova 8-shi, qazaqstandyq alǵashqy altynnyń «avtory» Alına Raıkova 12-shi, Anastasıa Kondrateva 21-shi oryn- men qanaǵat tandy. Endi G.Vıshnevskaıa týraly az-kem derekke nazar aýdaraıyq. Ol – Semeı qalasynda týǵan. Almaty Ýnıversıadasy aıaqtal ǵannan keıin eki kúnnen soń 23 jasqa tolǵan kúnin toılaı dy. Bıatlonshy qyz 2008 jyl ǵa deıin qyzdar fýtbolymen aınalysqan eken. Qaladaǵy Shákárim atyndaǵy memlekettik ýnıversıtetti bitirgen. G . Vıshnevskaıanyń osy jyldyń basynda Germanııada (Oberhof) ótken Álem kýbogy jarysynda sensasııa jasaǵanyn sport jankúıerleri bilýi tıis. Sondaǵy jarystyń tórtinshi kezeńinde bir-aq ret qatelesken ol 12,5 shaqyrymdyq mass-start ty 4-shi kórsetkishpen aıaqtaǵan edi. Mamandar sońǵy on jyl kóleminde Qazaqstan bıatlon- shy qyzdary arasynda mundaı kórsetkish bolmaǵanyn masattana aıtyp júr. Demek, Galınamyz elimizde ótetin bul Ýnıversıadaǵa tastúıin daıyndalyp kelgen bolyp shyqty. Eýropany dúrliktirip oralǵan sary qyz búgin, mine, týǵan eline saf altyn syılady. Keshegi – eshbir medalsyz, surqaı ótken kúnniń óteýi qaıtty. Endeshe, búgingi úshinshi alty nymyzdyń jalǵasy bolǵaı! Dál qazir Qazaqstan quramasy Vıshnevskaıanyń altynynyń esebinen toptyq kórsetkish boıynsha qaıtadan ekinshi orynǵa kóterildi...Jeńimpaz Iýlıany kim bilmeıdi!?
Frıstaıl degende, onyń ishinde mogýl túrine beıimdelgen sportshy qyzdar arasynda Iýlııa Galyshevanyń óz Otanynda ótip jatqan bul Ýnıversıadada me dalsyz qalmaıtynyn qazaq standyqtar da, sheteldikter de shyn júregimen sezgendeı edi. О́ıtkeni, búginge deıin de ataqdańqy álemge tanylyp qal ǵan Iýlııa 2015 jylǵy Álem chempıonatynyń qola júldegeri. 2015 jylǵy Ýnıversıadanyń altynnan alqa taqqan chempı- ony. Jasóspirimder arasyn- da eki márte jeńimpaz atanǵan. Qysqy Azııa oıyndarynyń eki márte chempıony. Fınaldyq oıynǵa irikteý kezeńine 67,0 ball jınap jetken Iý.Galysheva aqtyq básekede 73,80 balmen Ýnıversıada-2017 oıyndarynyń chempıony atandy. Reseılik Anastasııa Pervýshına (62,13) kúmis, avstrııalyq Katarına Ramzaýer (52,05) qola medal aldy. Sporttyq keıipte sondaı salqynqandy kóringen Iýlıa qyz: – Men búgin ózimdi osy- dan alty jyl buryn elimizde ótken Azııa oıyndaryndaǵydaı sezindim. О́ıtkeni, óz elińde, óz jankúıerleriniń aldynda kúshqýatyń eselep artatyny bar. Baqyttan basym aınalyp tur, barshańyzǵa rahmet aıtamyn, – dedi sabyrly qalpyn saqtap. Altynǵa qınalmaı-aq qol jetkizgendeı bolǵan Iýlııanyń búgingi jeńisi ózge sportshy larymyzǵa juǵysty bolsa eken dep ishteı tileı berdik!Tórtinshi kúngi 5-shi altyn medal!
XXVIII Dúnıejúzilik qysqy Ýnıversıada tarıhynda 28 jastaǵy óskemendik frıstaılmogýlshy Dmıtrıı Reıherd Qazaqstannyń medal qoryna 5-shi altyndy saldy! Qazaqstandyq sportshy fınaldyq jarysta 79,94 ball jınap Ýnıversıada jeńimpazy atandy. Ekinshi qazaqstandyq sportshy Pavel Kolmakov 76.95 balmen qola medal ıelendi. Kúmis medal reseılik Sergeı Shımbýevqa (79.11 ball) buıyrdy. Almatyda ótken qysqy Azııa oıyndarynda (2011 j.) altyn, ótken Ýnıversıadada (Granada, 2015 j.) kúmis medal taqqan mogýlshyǵa týǵan jeriniń qasıet-qudireti kómektesken sııaqty. – Bul meniń eń sońǵy ýnıver sıadalyq jarysym, – dedi Dmıtrıı Reıherd. – Jeńiske degen qulshynysym zor boldy. Budan eki jyl buryn altyndy qoldan berip edim, búgin, mine, kópten kútken armanym oryn- daldy. Bul medaldyń men úshin baǵasy sol sebepti de óte qymbat. Sóıtip, Qazaqstan óziniń barlyq komandalar arasyndaǵy ekinshi ornyn nyqtaı tústi... Bir qulaǵymyz shańǵyshylardyń «Soldat saıdaǵy» jarysynyń shýynda ekenin de eskertip qoıaıyq. Ýnıversıada baspasóz ortalyǵyndaǵy teledıdar dıs pleıinde shańǵyshylardyń klassıkalyq stıldegi sprın terlik jarysynyń fınalyna bizdiń úsh jigitimiz – Aleksandr Malyshev, Oljas Klımın shyqsa, aqtyq márege baratyn jarysqa «áýpirimdep» júrip Ivan Lıýft ilindi, áıteýir...«Soldat saıdyń» 6-shy altynyn aıtsańyzshy!
Búgin shyn máninde aspannan altyn jaýǵan kún boldy, aǵaıyn! Shańǵyshy-sprınter Ivan Lıýft Qazaqstan qorjynyna 6-shy altyn medaldy saldy. Ýnıversıada tarıhynda qazaq sportshylary buryn-sońdy mundaı kórsetkishke kórsetkishke qol jetkizip kórmegen. О́kinishtisi sol, Oljasqa sanaýly santımet- rler serik bola almady, átteń! Ol – tórtinshi orynda qalyp qoıdy. Qyzdar arasynda Anna Stoıan qola medalǵa qol jetkizdi. Annamyz qýanyshtan kóz jasyn tyıa almady. «Mama, men jeńdim, qola aldym!», deı beredi... Shyn qýanyshtyń, shynaıy jeńistiń kóz jasy osyndaı bolady eken! Búgin Qazaqstan barlyǵy 15 medalmen Ýnıversıada kún tártibinde komandalyq 2-shi orynǵa myqtap turaqtaǵanyna eshkimniń daýy bolmasa kerek. Bul kúni shyn máninde Almatynyń aspanynan altyn jaýdy! Alǵa, Qazaqstan! Talǵat SÚIINBAI, «Egemen Qazaqstan» ALMATY