Fýtzaldan «Qaırat» komandasynyń jáne Brazılııa ulttyq quramasynyń qorǵaýshysy Neto mıdyń qaterli isigine shaldyqty. Bul týraly sports.kz habarlady.
Buǵan deıin almatylyq komanda fýtbolshynyń jaraqatyna baılanysty Brazılııa men Katalonııa quramalarynyń arasyndaǵy joldastyq kezdesýge qatyspaıtynyn resmı málimdegen. Keıinirek SporTV kommentatory Marselo Rodrıges óziniń blogyna qorǵaýshynyń aýyr dertke shaldyqqanyn jazǵan.
«Eki apta buryn «Qaıratta» jattyǵý jasap júrgenimde ózimdi jaısyz sezindim. Tekserýden ótkenimnen keıin mıymda isik bary anyqtaldy. Brazılııaǵa kelgenimnen keıin qaıtadan analız tapsyrdym. Munda da sol dıagnozdy qaıtalady. Erteń ota jasatamyn. Men úshin Qudaıdan duǵa jasap, tileýimdi tileseńizder alǵysym sheksiz bolar edi», – dedi Neto.
«Qaırat» oıynshysyna búgin týǵan qalasy Ýberlandııada ota jasalady.