Búgin Qazaqstan qor bırjasynyń tańǵy sessııasynda dollar baǵamy 322,15 teńge boldy.
Teńgeniń nyǵaıýyna Tramptyń ulttyq saıasatynyń yqpalynan dollardyń eki jarym aılyq mınımýmǵa quldyraýy sebep bolyp otyr. AQSh dollarynyń kórsetkishi álemdik alty ózge valıýtalarǵa shaqqandaǵy baǵamy keshe kúni boıy tómendep, 99,20 deńgeıine deıin quldyrady. Mundaı kórsetkish eń sońǵy ret 14 qarashada bolǵan edi.
Tramptyń ulttyq ekonomıkalyq saıasaty men kóshi-qon qaýlysy dollardy qańtar aıynda 2,6 paıyzǵa deıin túsirip jiberdi. Bul sońǵy on jyldaǵy eń nashar jyl bastamasy. HSBC banki Donalda Trampty valıýtalyq monıpýlıator retinde aıyptap, dollardyń álsireýine tikeleı ony kinálap otyr.
AQSh dollarynyń arzandaýy shıkizat naryǵy úshin de qolaıly bolyp tur. Keshe sońǵy birneshe aptadaǵy maksımýmǵa kóterilgen munaı baǵasy búgin Astana ýaqytymen tańǵy saǵat 11:00-de 56,80 dollarǵa baǵalandy.