Qarjy mınıstrligi kassalyq apparat qoldanatyn shaǵyn bıznes sýbektilerin tekseristen bosatpaqshy.
«Bızneske qysymdy azaıtý maqsatynda onlaın eskertýimen kassalyq apparat qoldanatyn shaǵyn kásipkerlik ókilderin tekseristen bosatpaqpyz. Osylaısha, elde 13 myń tekseris qysqartylady. elektrondy shot-faktýranyń barlyq esebin paıdalanatyn eksporttaýshylarǵa QQS-ny 30 kún ishinde qaıtaryp beremiz. Bir jaǵynan bul QQS boıynsha alaıyqtyq jasaýdyń aldyn alsa, ekinshi jaǵynan shaǵyn jáne orta kásipkerlerge tólegen qarjysyn avtomatty qaıtarýdy qamtamasyz etedi", - dedi qarjy mınıstri Baqyt Sultanov.
Mınıstrdiń aıtýynsha, jyl qorytyndysy boıynsha, 110 mlrd teńge únemdelip, 36 mlrd teńge ıgerilmeı qalǵan. Memleket basshysy mınıstrge qarjyny bólýde saýatty jumys isteýdi tapsyrdy.
«Jyl boıy ıgerilmegen qarjyny jyl sońynda esep berer kezde áıteýir ıgerdi degen aty úshin ońdy-soldy shasha bastaıdy. О́ıtip ıgermeı-aq qoıyńdar», - dedi prezıdent mınıstrge.
Mınıstr qarjynyń ıgerilmeı qalýyn kelisimsharttyń ózgerýimen jáne jumys kestesiniń qalyp qoıýymen túsindirdi.
Sultanovtyń aıtýynsha, 2016 jyly 147 nysan jekeshelendirilgen. Onyń jalpy quny 31 mlrd teńgeni quraıdy.