Batys Qazaqstanda mal terisin óńdeıtin biregeı zaýyt salynýda, dep habarlady oblys ákimdiginiń baspasóz qyzmeti.
Qolǵa alynǵan jobanyń qazirgi jaǵdaıyna keler bolsaq, ıspandyq jáne ıtalııandyq qural-jabdyqtar satyp alynyp, zaýyt ishinde montaj jumystary júrgizilýde.
Qazir qurylysyna 40 jumysshy jumyldyrylsa, joba tolyq júzege asqanda 84 jumys orynǵa deıin jetpek. Zaýyt jumysy tolyq kúshine engende jylyna 182 myń iri qara, 624 myń usaq maldyń terisin óńdeıtin bolady.
«Ekonomıkanyń agrarlyq salasy damyǵan bizdiń óńirimiz úshin bul – biregeı joba. Malsharýashylyǵymen aınalysatyn azamattar úshin qosymsha kiris kózi de bolady», - dedi oblys ákimi A. Kólginov.