Soltústik Qazaqstan oblysynyń ortalyǵy Petropavl qalasynda 2016 jyly 3 bilim berý nysany salyndy, dep habarlady oblys ákimdiginiń baspasóz qyzmeti.
«2015 jyly Petropavl qalasynda «bıýdjettik nesıeleý» baǵdarlamasynyń baǵyty boıynsha jylýmen jáne sýmen jabdyqtaý boıynsha 2 mlrd. teńgege 4 joba júzege asyryldy.2016 jyly bıýdjettik nesıeleý baǵdarlamasy aıasynda 3,2 mlrd. teńgege 6 joba, onyń ishinde 2 sýmen jabdyqtaý boıynsha, al 4-ýi sý tartý boıynsha júzege asyryldy», - delingen habarlamada.
2016 jyly 3 joba paıdalanýǵa berildi. 2017 jyly bıýdjettik nesıeleý baǵdarlamasy boıynsha 10 jobany júzege asyrý josparlanǵan.
Keıin «Nurly jol» ınfraqurylymdyq damytý memlekettik baǵdarlamasy týraly qurylys basqarmasynyń basshysy Serik Muhamedıev baıandady.
2015-2016 jyldary 3 mekteptiń qurylysyna 3,2 mlrd. teńge qarajat bólindi. Igerilgen qarajat esebinen 3 bilim berý mekemesi paıdalanýǵa berildi.
Mekeme basshysy bul sharalar Soltústik Qazaqstan oblysynda úsh aýysymdy bilim berý máselesin sheshý men mektepke deıingi bilim berý mekemelerinde oryn tapshylyǵyn azaıtýǵa múmkindik bergenin atap ótti.
«QazAvtoJol» UQ» AQ fılıalynyń dırektory Asqar Jankın osy baǵdarlamanyń aıasynda «Kólik-logıstıkalyq ınfraqurylymyn damytý» baǵyty boıynsha oblystaǵy respýblıkalyq mańyzy bar jolynda «Astana-Shýchınsk-Kókshetaý-Petropavl-RF shekarasy» tranzıttik dálizdiń jol ýchaskelerin jańǵyrtý boıynsha jobalaryn júzege asyrý týraly habarlady.
Jalpy 2016 jyly Soltústik Qazaqstan oblysynyń shekarasynda uzaqtyǵy 143 shaqyrym bolatyn «Kókshetaý-Petropavl» dáliziniń qaıta jańǵyrtý jumystary aıaqtaldy.