Ekijaqty kelisimge qol qoıyldy

Keshe Astana qalasynyń ákimi Imanǵalı Tasmaǵambetov pen Bishkek meri Isa Omýrkýlovtyń resmı kezdesýi ótti. Kezdesý barysynda Astana ákimi Qazaqstan men Qyrǵyz­stan­dy tek tyǵyz dostyq qarym-qa­ty­nastar ǵana emes, tarıhı týys­qandyq tamyrlar biriktiretindigin atap ótti. Qala basshysy odan ári meımandy Qazaqstan elor­da­sy­nyń joǵary áleýmettik-ekono­mı­kalyq kórsetkishterinen habardar etti. Máselen, elordada qu­rylys salasyndaǵy jáne ja­han­dyq qarjy daǵdarysyna qa­ra­mastan, jyl saıyn 1 mln. 400 myń sharshy metr turǵyn úı paıdalanýǵa beriletinin, 50 myń­nan astam adam kóship kelip, taǵ­dyryn jańa Astanamen baıla­nys­tyrǵanyn aıtty. Qalanyń halqy men aýmaǵynyń qarqyndy ósýine baılanysty 3-shi jańa jylý-elektr ortalyǵy salynýda. Elbasynyń bastamasymen el­or­danyń aınalasyna 55 myń gektar jerge jasyl jelek otyr­ǵyzylǵan. Sonymen birge, I.Tasmaǵam­be­tov: «Astana men Qyrǵyz­stan­dy jaqsy áleýmettik-ekono­mı­ka­lyq baılanystar biriktirip otyr. Tek 2011 jyldyń 1-shi jarty­jyl­dyǵynda syrtqy saýda aına­lymy 26,5 mln. AQSh dollaryn qu­rasa, onyń 25,5 mıllıony – eskport. Eki eldiń eksporttyq-ımporttyq saýda baılanystaryn odan saıyn keńeıtýdiń jaqsy múmkindikterin izdestirip, tabýy­myz kerek», dedi. Búgingi kúni Astana qalasynyń aýmaǵynda eks­port­tyq-ımporttyq operasııalarmen aınalysatyn 54 qyr­ǵyzstandyq jáne 17 birlesken ká­siporyn jumys isteıdi. О́z kezeginde I.Omýrkýlov Or­talyq Azııadaǵy sáýleti men dáýleti jarasyp otyrǵan biregeı qala – Astana týraly jyly pikir bildirdi. Ol memlekettik deń­geı­degi ózara qarym-qatynastardy tilge tıek ete otyryp, Prezıdent N.Nazarbaevtyń Qyrǵyz Res­pýb­lıkasyna degen yqylasy ár­daı­ym jyly jáne eldegi jaǵdaıdy turaqtandyrýǵa qosqan úlesi sú­beli ekendigin atap ótti. Bul rette, I.Omýrkýlov: «Astanaǵa soń­ǵy ret 7 jyl buryn kelgen bola­ty­nmyn. Shyny kerek, men tek «Báıterek» monýmentin ǵana ta­ny­dym. Bú­gin­de qala tanymastaı ózgergen. Eko­nomıkalyq damýy, jańa ǵı­ma­rattardyń salynýy ǵalamat. Bizdiń saparymyz osy qarym-qa­tynastardy qalalar deń­geıin­de, mádenıetimiz, hal­qy­myz, gý­manı­tarlyq, ǵylym jáne ekonomıka deńgeıinde odan ári nyǵaıtýǵa septigin tıgizedi degen senimdemin», dedi. Kezdesý sońynda Bishkek pen Astana basshylary qalalar ara­synda baýyrlastyq baılanystar ornatý jónindegi kelisimge qol qoıdy. Bishkek meri I.Omýrkýlov bastaǵan delegasııa 8-9 qyrkúıek kúnderi Astananyń kórnekti jerlerin, mádenı nysandary men kommýnaldyq kásiporyndaryn ara­laıdy dep josparlanýda. Al 9 qyrkúıekte Atyraý, Shyǵys Qa­zaqstan jáne Jambyl oblys­ta­ry­nyń Astana qalasyndaǵy kún­deri aıasynda ótetin gala-konsertti tamashalamaq. Juldyz BAIDILDA.