«Qazgıdromet» RMK 2017 jyldyń 4-6 aqpan aralyǵyna aýa raıy boljamyn jarııalady.
Qazaqstanǵa kelgen belsendi ári qýatty sıklon 4 aqpan kúni elimizdiń aýmaǵynan ketedi. Biraq, onymen birge kelgen atmosferalyq aǵymdar demalys kúngi aýa raıyna óz yqpalyn tıgizedi. Sondyqtan respýblıkanyń kóp oblystarynda qar túsip, burqasynǵa baılanysty joldyń kórinisi 200-500 metrge deıin qıyndaıdy, jeldiń jyldamdyǵy 17-25 m/s jetedi.
Ońtústiktegi oblystar demalys kúnderi sıklondaǵy aýa aǵymdarynyń yqpalynda bolady. Bul aýmaqta da qar jaýyp, tuman túsip, kóktaıǵaq bolyp keı jerlerde 18-25 metr sekýndtyq qatty jel turady. Qysqy Ýnıversıada ótip jatqan Almaty oblysynyń taýly jáne taý bókterindegi aýdandarda aýa raıy qolaısyz bolady. Senbi kúni bul aýdanda qalyń qar túsip, tuman men ekpindi jel soǵady dep kútilýde.
Respýblıkanyń aýmaǵynda qardyń túsýin toqtatyp, aýa temperatýrasyn klımattyq normadan 3-5 ºS-qa tómendetip, sıklonnan keıin sýyq antısıklon kele bastaıdy. Biraq bundaı sýyq aýa raıy qysqa merzimge sozylady. Sebebi, kelesi sıklon 6 aqpan kúni Qazaqstannyń batys bóligine aýysyp, kún jylynady.