Qazaqstan OPEK+ elderiniń bıylǵy jyldyń 1 qańtarynan bastap munaı óndirisin azaıtý týraly mindettemesin jospardaǵy kesteden artyq oryndap jatyr, dep habarlaıdy Energetıka mınıstrliginiń baspasóz qyzmeti.
«Aldyn ala málimetter boıynsha, qańtar aıyndaǵy óndiris kólemi 1,67 mln barreldi qurady. Bul degenińiz, Qazaqstannyń OPEK+ kelisimi aıasyndaǵy mindettemeni jospardaǵy kesteden artyǵymen oryndap jatqanyn kórsetedi. Qazirgi tańda biz byltyrǵymen salystyrǵanda táýligine 30 myń barrel kem óndirip jatyrmyz. Qazaqstan jospardy artyǵymen oryndady jáne bizdiń jınaǵan qorymyz bar», — dep habarlaıdy mınıstrliktiń baspasóz qyzmeti.
Esterińizge sala keteıik, byltyr OPEK elderi men uıymǵa kirmeıtin munaı eksporttaýshy memleketter jyl basynan bastap munaı óndirisin táýligine 1,8 mln barrelge azaıtýǵa kelisken. Osy oraıda, Qazaqstannyń táýligine 20 myń barrel az óndirýi tıis bolǵan.
Vedomstvonyń habarlaýynsha, Qazaqstan óziniń mindettemesin tolyǵymen oryndaıdy.
О́ndiristi azaıtýǵa Mańǵystaý, Aqtóbe men Qyzylorda oblystaryndaǵy óndiristiń azaıýy sebep bolǵan.
Al ár óńirdegi óndiristiń azaıý kórsetkishi týraly mınıstrlik naqty aqparatpen bólispegen.
«Aldaǵy bes aıda biz alǵashqy jartyjyldyqtyń mindettemesin oryndaımyz. Mindettemege saı, táýligine 20 myń barrel azaıtamyz», — dep jazady mınıstrliktiń resmı saıty.