Máskeýde QR Prezıdentiniń bastamalary túsindirildi

Jaqynda Máskeýde Qazaqstannyń Reseı­d­egi el­shiliginiń uıym­das­ty­rýy­men elimizdegi keń aý­qymdy saıa­sı já­ne eko­nomıkalyq re­­for­ma­lar­ǵa arnalǵan brı­fıng bolyp ótti, dep ha­barlady Qazaqstannyń Reseıdegi elshiliginiń bas­pa­sóz qyzmeti. Qazaqstannyń Reseıdegi ýaqytsha senimdi ókili Marat Syzdyqov pen elshiliktiń keńes­shi-elshisi Bolat Imanbaev jýr­na­lısterdi Qazaqstan Pre­zıdentiniń ústi­mizdegi jyl­dyń 25 qańtarynda ja­rııalaǵan bılik tarmaqtary ara­syn­da ókilettikterdi qaıta bólý má­­selelerine arnalǵan Úndeýi men onyń ústimizdegi jyldyń 31 qań­tarynda jarııalaǵan «Qazaqstan­nyń úshinshi jańǵyrýy: jahandyq bá­se­kege qabilettilik» halyqqa Jol­­daýynyń negizgi erejelerimen ta­nystyrdy. M.Syzdyqov bastalǵan jyl Qazaqstan úshin qym-qýyt oqı­ǵa­lar­ǵa toly jáne halyqaralyq kún tár­tibi boıynsha mazmundy jyl bolyp otyrǵanyn atap kórsetti. 1 qańtarda Qazaqstan Respýblıkasy Qaýipsizdik Keńesiniń turaqty emes múshesi retinde óziniń mindetterine kirisse, arada kóp ýaqyt ótpeı Astanada Sırııa daǵdarysyn retteý boıynsha kópjaqty kelissózder uıym­­dastyryldy. Qańtardyń aıa­­ǵyn­da Qazaqstan Prezıdenti Nursultan Nazarbaev negizinde bı­lik tarmaqtary arasyndaǵy óki­let­tikterdi qaıta bólý men saıa­sı júıeni demokratııalandyrý jat­qan eldegi demokratııalyq jań­ǵy­rý­lardy ári qaraı tereńdetýdiń jos­paryn jarııa etti. Ol Qazaqstan Kósh­basshysy 2015 jyldyń naý­ryz aıynda jarııa etken Bes ıns­tı­týttyq reformany júzege asy­rý­dyń ajyraǵysyz bólshegi bolyp ta­bylady. Dıplomat buqaralyq aqparat quraldary­nyń ókilderin konstı­tý­sııa­lyq jáne zań­na­malyq ózgeristerdiń qorytyndylarymen egjeı-tegjeıli tanystyryp, refor­manyń Qazaqstandy ýaqyttyń jańa syn-qaterlerine daıyndaıtynyn atap kórsetti. Jańa jaǵdaılarda Mem­leket basshysynyń quzyretine stra­tegııalyq fýnksııalar – bılik tar­maqtarynyń arasyndaǵy qarym-qa­tynastarda joǵarǵy tóreshi róli enetin bolady. Prezıdent, son­daı-aq, óziniń nazaryn syrtqy saıa­satqa, ulttyq qaýipsizdik pen qor­ǵa­nys qabileti máselelerine sho­ǵyrlandyrady. M.Syzdyqov Prezıdenttiń qazirgi ókilet­tik­teriniń belgili bir bó­ligi Úkimet pen Parlamentke beri­letinin, munyń atqarýshy já­ne zań shyǵarýshy bıliktiń jaý­ap­ker­shi­ligi men tıimdiligin aıtar­lyq­taı joǵarylatatynyn habarlady. Mun­daı ókilettikterdiń sany shama­men 40 shaqty. О́kilet­tik­terdi berý Konstıtýsııa men tıis­ti zańdarǵa ózgerister engizý esebi­nen qamtamasyz etiletin bola­dy. Tutastaı alǵanda, Prezıdent óz ókilettikteriniń aıtarlyqtaı bó­li­gin berýdi bir ǵana maqsatta – eldi bas­qarýdyń damýdyń demokratııa jo­lymen júrip kele jatqan zamanaýı júıesin qazirgiden de tıimdirek, ornyq­tyraq etýdi júzege asyrý maqsatynda qolǵa alyp otyr. О́z kezeginde B.Imanbaev jurt­shy­lyqtyń nazaryn Qazaqstandy eko­nomıkalyq jań­ǵyrtýdyń Pre­zı­denttiń Joldaýynda jarııa etil­gen úshinshi kezeńin túsindirýge aýdar­dy. Ol shırek ǵasyr bederinde Qazaqstanda eki jańǵyrtý júzege asy­rylsa, olardyń naryqtyq eko­nomıka qaǵıdattaryna negiz­del­g­en jańa memleket quryp, Qazaqstan­nyń álemdegi básekege asa qa­bi­letti 50 eldiń qataryna enýine múm­kindik bergenin habarlady. B.Imanbaev qatysýshylardyń nazaryn elimiz ekonomıkasynyń ósý qarqynynyń ortasha álemdik deń­geıden joǵary bolýyn jáne Qazaqstannyń aldyńǵy qatarly 30 eldiń qataryna turaqty túrde ilge­rileýin qamtamasyz etýge tıis bo­latyn bes negizgi basymdyqqa aý­dardy. Bularǵa ekonomıkany je­del tehnologııalyq jańǵyrtý, bız­nes-ortany túbegeıli jaqsartý já­ne keńeıtý, makroekonomıkalyq turaq­tylyq, adam kapıtaly sapasyn jaqsartý, ınstıtýttyq qaıta jańǵyrýlar, sondaı-aq, qaýip­sizd­ikpen jáne jemqorlyqpen kúres máseleleri ja­tady. Dıplomattyń sózinde jańa ekonomıkalyq baǵdarlamanyń mańyzdy qyrlary tehnologııalyq jańarý men sıfrlyq tehnologııalar bazasynda jańa salalar qurý bolyp tabylatyny atap ótildi. Jańa ındýstrııa qurýmen qatar, Qazaqstan dástúrli arqaýly salalarǵa ekpin beredi. Olar: ónerkásip, agroónerkásiptik keshen, kólik jáne logıstıka, qurylys sektory jáne taǵy basqalar. Osyǵan oraı, Úkimetke «Qazaqstannyń ulttyq tehnologııalyq bastamasy» dep atalatyn damýdyń 2025 jylǵa deıingi merzimge arnalǵan strategııalyq josparyn jasaý tapsyryldy. B.Imanbaev Qazaqstan Pre­zı­dentiniń Jol­daýy qazirgi zamanǵy syn-qaterler men jahandyq teh­no­logııalyq ózgeristerge qısyndy jaýap bolyp tabylatynyn atap kór­setti. О́ıtkeni, qujatta eldi ári qaraı áleýmettik-ekonomıkalyq damytýdyń naqty mehanızmderi kórinis tapqan. Brıfıngtiń qorytyndy bóli­gin­de qazaq­stan­dyq dıplomattar reseılik buqaralyq aqparat óki­l­deri tarapynan qoıylǵan su­raqtarǵa jaýap berdi. MÁSKEÝ, Reseı Federasııasy