Damýǵa jańa serpin beretin qadam

Prezıdent Nursultan Nazarbaevtyń Úndeýi bizdiń damýdyń jańa belesine kóterilip kele jatqanymyzdy aıǵaqtaıtyn qundy qujat retinde kórinis tapty. Ol, sonymen birge, el táýelsizdiginiń 25 jyldyq kezeńindegi basqarý júıesine óz turǵysynan baǵa berip, osyǵan oraı birqatar túzetýler men ózgertýler engizýdiń sharasyna aınaldy. Buǵan shırek ǵasyrlyq ýaqyt ishinde qol jetkizilgen aýqymdy jumystardyń nátıjeleri alyp keldi. Sóıtip, bıliktiń belgili bir bóligin Úkimet pen Parlament quzyryna berý jóninde uıǵarym jasaldy. Álbette, bizdiń egemendik jyl­daryndaǵy joldarymyzdyń bá­ri taqtaıdaı tegis bola qoıǵan joq. Egemendiktiń eleń-alań kez­derinen beri qaraı sol damý jol­daryn dál búgingi kúndegideı dá­rejege jetkizý úshin memleket tiz­gininiń bir qolǵa shoǵyrlanýy asa qajet boldy. Onyń bir izge salynyp, júıege keltirilýiniń ózine qyrýar eńbek pen kúsh-ji­ger jumsaldy. San márte tá­ý­elsizdiktiń mártebesine qaý­ip tóndirgen sátter kezdesip qa­lyp jatty. Sonyń bárinde El­basynyń alysty boljaı alatyn kóregendigi men bárin jan-jaqtan oılastyratyn salıqaly saıasaty kómekke kelip, respýblıkamyzdy talaı tyǵyryqtardan alyp shyqty. Osy rette biz Memleket basshysynyń tikeleı bastamasymen qurylǵan, álemde ózine teńdes balamasy joq Qazaqstan halqy Assambleıasynyń óte bir sara da sarabdal saıasatpen qu­rylǵanyna talaı márte kóz jet­kiz­dik. Bul jyldarda Qazaqstan aıaǵyn álem órkenıetine qaraı apyl-tapyl basqan elden jahan­nyń aldyńǵy qatarly mem­le­ketteri men halyqaralyq uıym­dary moıyndaıtyn mereıi ús­tem memleketke aınaldy. Osy jyl­darda elimiz EQYU-ǵa tó­ra­ǵalyq etti, Shanhaı yn­ty­maq­­tastyq uıymy men Eý­raz­ııa­lyq ekonomıkalyq odaqtyń bel­sendi múshesi bolyp aldy. Bıylǵy jyldan BUU Qaýipsizdik keńesine turaqsyz emes múshe retinde kórindi. Al Astana tó­rin­de ótip jatqan ártúrli ha­lyq­­aralyq forýmdarda esep joq. Sonyń biri – taıaýda ǵana Sırııa­da­ǵy ahýaldy retteýge arnalǵan ke­lissóz júrgizilip, elordanyń b­itimgerlik róli kúsheıe tústi. Qazaqstan shırek ǵasyrlyq mer­zimde, sondaı-aq, mádenıet pen sporttyń, bilim men ǵylym­nyń belgili bir bıigine kóterilgen eń­seli elge aınaldy. Bizdiń eli­mizde sporttyń birqatar túr­l­e­ri­nen álem chempıonattary ótýmen qatar, qysqy Azııa oıyn­darynyń jalaýy jelbiredi. Al tap qazirgi kúnderi Almaty baý­raıynda qysqy Ýnıversıada sheń­berindegi jarystar qyzyp jatyr. Osy derekterdiń ózi res­­pýblıkanyń 25 jyl ishinde bel­gili sport derjavalarynyń biri­ne aınalǵanyn kórsetedi. Biz munyń bárinen Elbasy­nyń dana basshylyǵy men sa­ra saıasatynyń izin kóremiz. Mem­leket basshysynyń bılik tar­maqtaryn bólisý jónindegi bas­­tamasy da onyń elimiz damýy­na serpin beretin jańa qa­da­m­da­ry­nyń biri bolyp shy­ǵa­ty­nyna se­ni­mdimiz. Bıbigúl NÚSIPJANOVA, T.Júrgenov atyndaǵy Qazaq ulttyq óner akademııasynyń rektory, professor