Bastaýysh uıymdaǵy basqosý

«Nur Otan» partııasy Kók­she­taý aýmaqtyq fılıaly «Den­saýlyq» bastaýysh par­tııa uıymynyń jınalysy bolyp, onda Memleket basshysy N.Á.Nazarbaevtyń bılik tar­maqtary arasyndaǵy ókil­et­tik­ter­di qaıta bólý jáne basta­ýysh par­tııa uıymynyń jumysy týra­ly máseleler qaraldy. Partııanyń alǵa qoıǵan min­det­terine saı bastaýysh partııa uıymynyń jumysy týraly baıandap bergen «Aqmola oblysy densaýlyq saqtaý basqarmasy» QB jetekshisiniń orynbasary, partııa múshesi Sergeı Kılasev densaýlyq saqtaý salasyna bólingen qarjy 35,6 mlrd teńgeni quraǵandyǵyn jáne ol tolyq ıgerilgendigin erekshe atady. Onyń aıtýynsha, 2016 jyly 8 jańa nysan qoldanysqa be­rilse, bıylǵy jyly da birqatar ny­san­dar salynady. Jalpy, oblys bıýd­jetinen bólingen qarjyǵa 274 dana medısınalyq qural-jabdyq pen 12 sanıtarlyq avto­kólik satyp alynǵan. О́ńirde 1804 dáriger jáne 6074 orta medısınalyq qyzmetker jumys isteıdi eken. О́tken jyly medısınalyq uıymdarǵa 359 medısınalyq qyzmetker kelse, onyń 70-i dáriger. Áıtse de kelgen qyzmetkerlerdiń tek 74-i ǵana baspanamen qamtamasyz etilgen. Sonyń ishinde 34 jas mamanǵa baspana satyp alý úshin 106 mln teńge nesıe bólingen. S.Kılasevtiń málimetine qaraǵanda, oblysta aýrýdy anyqtaýdyń alty túri boıynsha 388 myń skrınıngtik zertteýler júrgizilip, nátıjesinde 6 myńdaı syrqat anyqtalǵan. О́ńirde bala týý sany artyp, ólim-jitim azaıǵandyǵy da atalmaı qalmady. Týberkýlezben aýyratyndar sany azaıǵanymen, túrmeden bosap shyqqandardy emdeý máselesi áli de ótkir turǵandyǵy ashyp aıtyldy. Partııanyń Aqmola ob­lys­tyq fılıaly tóraǵasynyń oryn­basary, oblystyq máslıhat depý­taty Ǵalym Bekmaǵambetov zaldan qoıylǵan suraqqa bergen jaýabyn­da jas maman­dardy baspanamen qamtamasyz etý máselesi tek zań aıasynda sheshimin ta­býy tıistigine erekshe nazar aýdar­dy. Baspanany tegin be­rý degen másele qazir joqtyǵyn alǵa tartqan ol turǵyn úı salý jyldan jylǵa artyp kele jatqandyǵyn til­ge tıek etti. Depýtat Kókshetaý qala­synda 9 myń adam mýnısıpaldy turǵyn úı kezeginde turǵandyǵyn da qaperge sala ketti. Sonyń 4 myńy áleý­mettik az qamtylǵan turǵyndar sa­na­­lady. Jalpy, nurotandyqtar osyndaı birqatar máseleler boıynsha pikir alysyp, esep bergennen keıin partııaǵa jańadan qabyldanǵandarǵa múshelik kitapshalaryn saltanatty túrde tabys etti. Asqar TURAPBAIULY, «Egemen Qazaqstan» Aqmola oblysy