Temirtaý qalasynyń qarapaıym turǵyny mánerlep syrǵanaý men hokkeı jankúıerleri úshin 8-shi shaǵyn aýdanyna jańadan muz aıdynyn quıdy. Syrǵanaýshylarǵa tegin uıymdastyrylǵan muz aıdynyna qazirdiń ózinde kelýshilerdiń qarasy qalyń.
Bul – búginde qala turǵyndarynyń aýzynda júrgen Evgenıı Pestovtyń muz aıdynyn quıýdaǵy alǵashqy jumysy eken.
– Ne isteseń de qaıyrymdy jáne paıdaly is atqarǵan durys. Bul jer jas sportshylardyń osy qysta bas qosatyn jańa kezdesý ornyna aınaldy. Turǵyndar búkil otbasymen osynda kelip, demalystaryn qyzyqty ótkizedi. Kún saıyn osy jerde aýla hokkeı komandalary oıyndaryn ótkizip, sheberlikterin shyńdaýda. Budan basqa, qardan syrǵanaq tóbe jasaý qolǵa alyndy. Balalar da, ata-analar da dán rıza. Kort qarańǵy túskenshe ǵana jumys istep tur. О́ıtkeni, jaryq shamdary joq. Aldaǵy ýaqytta jaryqtandyrý, qoqys salatyn jáshikterdi ornatý jáne oryndyqtar qoıý qajet. Qaqpalarǵa tor ornatyp, kásibı túrde aýla chempıonattaryn ótkizý oıymyzda bar. Barlyǵymyz kúsh biriktirsek, ol da qolymyzdan keler, – deıdi qala turǵyny Evgenıı Pestov.
Mıras ASAN,
«Egemen Qazaqstan»
Qaraǵandy oblysy,
Temirtaý qalasy