Teriskeıde oqyp júr talaı qazaq balasy

M.Qozybaev atyndaǵy Sol­tústik Qazaqstan memle­ket­tik ýnıversıtetinde bilim alyp júrgen qandas­tary­­myzdyń biri – Baǵdar Asqar­bekqyzy. Onyń aıtýynsha, Qytaı elinde eki mıllıonǵa jýyq qazaq turady. Dástúrge berik aǵaıyndarymyz atajurt dese ózekteri úzilip túse jazdaıtyn kórinedi. Boıjetken b­úginde «Foundation» fakýl­tetiniń daıyndyq kýr­synyń tyńdaýshysy. О́z­diginen talaptanyp, orys tilin úırený úıirmesine de jazylǵan. Onda­ǵy oıy – soltústik óńir­lerde áli de basym turatyn halyq­tyń tilin meńgerip shyǵý. Qazaq­standa bul tilge sura­nys áli joǵary eken degen tańdanysyn jasyrmaıdy. «О́zge elde sultan bolǵansha, óz elinde ultan bolýdy» arman etken 30 baýyrymyz byltyr klımaty qatal, demografııalyq qurylymy ózgeshe óńirde bilim alýdy, ornyǵyp, jumys isteýdi alǵa maqsat etip kelgen. Endigi taǵdyrlaryn tek Qazaqstanmen baılanystyrýdy qup kóredi. Kindik qandary ózge elde tamsa da, júrekteri qazaǵym, ultym dep soǵatyn jastar týraly fakýltet dekany Shalabaı Qojaev úlken yjdaǵatpen áńgimeleıdi. Eńseli bilim ordasynda bar­lyǵy 81 sheteldik qazaq balasy oqıdy. Qaı-qaısysyna bolsyn bilimge qushtarlyq, izde­nimpazdyq, eńbekqorlyq tán. Tóte jazýǵa júırik olar úshin kırıl­lısany úırený son­sha­lyq­­ty qıyn emes. Qoǵamdyq ju­mystarǵa da belsene aralasady. Mońǵolııadan kelgen Jar­qanat Qınaýqan bilimniń tegin ekenin, jaıly jataqhanaǵa ornalasqanyn, barlyq jaǵdaı jasalǵanyn rızashylyqpen aıtady. Aıaǵynan tik turyp alǵannan keıin atamekende oqý­dy, turýdy armandaıtyn úsh baýyryn Baıólke jerinen kó­shi­rip ákelmek nıetin aıtady. Jas­taıynan óleń shyǵaryp, Maǵ­jan atasyna uqsaǵysy keledi. Qytaıdan, Mońǵolııadan, Reseıden oqyp jatqandardyń qataryn «Serpin-2050» baǵdar­lama­sy aıasynda ońtústik ob­lys­­­tardan kelgen bir myńǵa jýyq óren­der tolyqtyryp otyr. О́mir ESQALI, «Egemen Qazaqstan» Soltústik Qazaqstan oblysy