Qyzmetine saı qurmet

Taıaýda Astanada Syrtqy ister mınıstrligi men L.N.Gýmılev atyndaǵy EUÝ birlesip, belgili dıplomat Saılaý Batyrshaulynyń 75 jyldyq mereıtoıyna arnalǵan «Qazaqstan Respýblıkasynyń dıplomatııasy: qalyptasýy, damýy jáne keleshegi» taqyrybynda halyqaralyq ǵylymı-tájirıbelik konferensııa ótkizdi. Konferensııaǵa Syrtqy ister mınıstrliginiń qyzmetkerleri, depýtattar, elimizge tanymal tulǵalar, zııaly qaýym ókilderi, Omannyń, Mysyrdyń, Ýkraına, Belarýs, Lıvan, Aýǵanstan jáne basqa da memleketterdiń Qazaqstandaǵy elshileri men dıp­lomattary qatysty. Jıyndy ashqan L.N.Gýmılev atyndaǵy EUÝ-diń rektory Erlan Sydyqov mereıtoı ıesin qut­tyqtap, dıplomattyń tulǵa­lyq jáne kúreskerlik joly jaıly júrekjardy pikirimen bólisti jáne oqý orny atynan syı-sııapat tabystap ári onyń keý­desine ýnıversıtettiń eń jo­ǵa­ry «Kúltegin» medalin taqty. Sondaı-aq, syrtqy saıa­sat vedomstvosy tarapynan mı­­nıstrdiń orynba­sary R.Va­sılenko mereıtoı ıesi – S.Batyrshaulyna Qazaqstannyń syrtqy saıasa­tyndaǵy jemisti eńbegi úshin altyn tústi «Eńbek ardageri» medalin tapsyrdy. Jıyn barysynda dıp­lomattyń ómiri men qyzmettik jolyn, qajyr-qaıratyn ar­qaý etken «Táýelsizdik jo­lyn­­daǵy dıplomatııa» atty esse-dıalog kitabynyń tusaý­ke­ser rásimi ótti. Murat Al­mas­bekulynyń avtor­lyǵymen jaryq kórgen jeti bólimnen turatyn kitapta elimizdiń shırek ǵasyr ishinde qol jet­kizgen jetistikteri men Prezı­dent N.Á.Nazarbaevtyń osy joldaǵy eren eńbegi, qazaq dıplomatııasynyń birqatar tulǵalary týraly, sondaı-aq, táý­elsizdik, ult taǵdyry, til men din, shettegi qandastar ha­qynda keńinen baıandalady. Búginde qazaqstandyq dıp­lomatııanyń aqsaqaly sanalatyn Sákeńniń atalǵan sala tabaldyryǵyn attaǵanyna 50 jyl toldy. Qazirgi tańda zeınet jasynan assa da, elimizdiń syrtqy saıasatynyń qaınaǵan qazanynan qol úzbeı keledi, jas mamandarǵa kásibı dıplomat retinde aqyl aıtýdy óziniń paryzy sanaıdy. Osy oraıda, bizdiń búgingi keıipkerimizdiń L.N.Gýmılev atyndaǵy EUÝ-diń pro­fessory retinde halyq­aralyq qatynastar maman­daryn daıarlap, shákirt­terge, magıstranttarǵa, dokto­rant­tarǵa bilim berýge bar kúsh-jige­rin arnap júrgenin de aıta ketýimiz kerek. Damır ERNIIаZOV, L.N.Gýmılev atyndaǵy EUÝ dosenti