Astana qalasy máslıhatynyń depýtattary elorda aýmaǵyndaǵy týrıstik qyzmet salasyndaǵy memlekettik saıasatty júzege asyrý men úılestirý máselesin qarady, dep habarlaıdy qalalyq ákimdiktiń baspasóz qyzmeti.
Astana qalasynyń Investısııalar jáne damý basqarmasynyń basshysynyń orynbasary Kanat Isabekov óz baıandamasynda qatysýshylarǵa Astananyń Berlın, Máskeý, Tbılısı, Sýjoý, Almaty qalalarynda ótken halyqaralyq jáne otandyq týrıstik kórmelerge qatysqany týraly jetkizdi. Osyndaı tanystyrý marshrýttaryn júrgizýdiń basty maqsaty «Astana EKSPO-2017» halyqaralyq mamandandyrylǵan kórmesine týrıster aǵymyn tartý tájirıbesin zertteý jáne Astana qalasynyń týrıstik ortalyq retinde ımıdjin damytý bolyp tabylady.
О́z kezeginde el aýmaǵynda tusaýkeserler, V2V formatyndaǵy kezdesýler ótkizilip, Astana qalasy týrıstik naryq sýbektileri men óńirlik, sheteldik týrıstik operatorlar arasyndaǵy seriktestik týraly kelisimder jasalǵan.
«2016 jyly maýsym-jeltoqsan aılarynda Astana qalasynda shekaraǵa jaqyn reseılik qalalar Qazan, Chelıabi, Novosibir, Sverdlovsk, Altaı, Omby, Qorǵan qalalarynyń BAQ ókilderi, blogerler men jetekshi týrıstik operatorlaryna arnalǵan 8 aqparattyq týr uıymdastyrylǵan. Aǵymdaǵy jyly shekara mańyndaǵy qalalardyń, baýyrlas qalalardyń BAQ ókilderi, blogerler men jetekshi týrıstik operatorlaryna arnalǵan 10 aqparattyq týr uıymdastyrý josparlanǵan», - deıdi Qanat Isabekov.
Budan basqa, onyń sózine sáıkes, aqparattyq týr sheńberinde sheteldik týrısterdi qabyldaýǵa jumys jasaıtyn otandyq týroperatorlardyń qatysýymen Workshop formatynda dóńgelek ústel ótkizilip, onyń qorytyndysy boıynsha Týrızm salasyndaǵy seriktestik týraly memorandým men eki memlekettiń týrıstik operatorlary arasyndaǵy kelisim-sharttar jasaldy.
Biryńǵaı týrıstik jınaqty damytý maqsatynda Bıýro Aqmola oblysymen tyǵyz seriktestikte jumys jasap otyr, «EKSPO-2017» kórmesin ótkizý sheńberinde qala qonaqtaryna usynylatyn birlesken marshrýttar kelisilgen.
Sonymen qatar, Bıýro ICCA - Máskeý men Sankt-Peterbýrg qalalarynyń tájirıbesi boıynsha Halyqaralyq kongresster men konferensııalar assosıasııasyna múshe boldy, bul qalada ár túrli baǵyttar boıynsha iri sharalar ótkizýge jáne jumysty uıymdastyrýǵa múmkindik beredi.
"Astana qalasyna Kongress-kórme sharalaryn tartý boıynsha jumystar júrgizilip otyr," dedi Q. Isabekov.
Búgingi tańda Astanada týrıstik aqparat oryndary jumys isteıdi, mýltıtildi jaıaý baǵdarlaný jáne navıgasııa jobasy júzege asyrylǵan, ol 100 navıgasııalyq pılon men 140 jaıaýlar nusqaýshylarynan quralady, sonymen qatar, paıdalanýshylarǵa qajetti tilde qyzmet kórsetýge múmkindik beretin FriendlyTaxi jobasy jumysyn bastaǵan.
Budan basqa Astana qalasynyń seriktestik baǵdarlamasy Recommendedby EXPO-2017 júzege asyrylǵan. Talqylaý qorytyndysy boıynsha týrıstik qyzmetter keshenin tek qalada ǵana emes, jaqyn óńirlerde júzege asyrý jáne munda naqty qol jetimdi marshrýttar daıyndap, kórikti oryndardyń koordınattary kórsetilgen sıpattamasyn daıyndaý usynyldy.
Sonymen qatar, týrıstik ındýstrııa nysandary qurylysyna baǵyttalǵan qyzmetti, qurylysty, kólik jáne ınjenerlik ınfraqurylymdy damytý, sonymen qatar, qonaq úı, qoǵamdyq tamaqtaný, qyzmet kórsetý salalaryn belgilengen sapa talaptaryna sáıkestendirý boıynsha birqatar nusqaýlar daıyndady.