Senator M.Taǵymov Aqtóbe oblysyndaǵy Temir aýdanynda boldy. Aýdan ortalyǵy Shubarqudyq aýylynda depýtat aýdan aktıvimen, eńbek ujymdarynyń ókilderimen, ardagerlermen, sondaı-aq aýdandyq quqyq qorǵaý, sot jáne prokýratýra organdarynyń qyzmetkerlerimen kezdesti.
Memleket basshysy N.Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» Joldaýynda aıtylǵan bastamalar sharanyń basty taqyryby boldy.
Senator M.Taǵymov aımaq jurtshylyǵyna arnaǵan sózinde «Memleket basshysy qazaqstandyqtardyń aldyna elimizdi Úshinshi jańǵyrtý týraly mindet qoıyp otyr. О́tken eki jańǵyrýdaǵy joǵary jetistikter bizdi qazirgi kezde de, keleshekte de tabysqa jeteleýi tıis», – dedi.
Depýtat óz sózinde Joldaýdyń negizgi erejeleri men ony iske asyrý jolynda alda turǵan mindetter týraly habardar etti. Bılik tarmaqtary arasyndaǵy ókilettikterdi qaıta bólý, jergilikti memlekettik jáne ózin-ózi basqarý organdary qyzmetiniń quqyqtyq negizderin jetildirý, jekemenshik quqyqtaryn qorǵaý tetikterin kúsheıtýge baǵyttalǵan aldaǵy reformalarǵa basa nazar aýdaryldy.
Máslıhat depýtattary men qarapaıym azamattar Memleket basshysynyń Joldaýynda belgilengen mindetter men maqsattardy iske asyrýǵa ázir ekendikteri týraly oılaryn ortaǵa saldy.
Temir QUSAIYN, «Egemen Qazaqstan»
AQTО́BE