Memleket basshysy Nursultan Nazarbaev bıylǵy jyldyń 31 qańtarynda jarııalaǵan Qazaqstan halqyna Joldaýynda elimizdiń damý kezeńderin jáne qazirgi ýaqytta eldiń aldynda turǵan ekonomıkalyq máselelerdi atap kórsetti.
Qazaqstan Birinshi jańǵyrý kezeńinde josparly ekonomıkadan naryqtyq ekonomıkaǵa kóshti. Ekinshi jańǵyrý «Qazaqstan-2030» Strategııasynyń qabyldanýymen jáne jańa elorda – Astananyń salynýmen bastaldy. Ekinshi kezeńniń nátıjesinde elimiz álemdegi ekonomıkasy básekege qabiletti 50 memlekettiń qataryna kirdi.
О́z Joldaýynda Memleket basshysy Qazaqstannyń Úshinshi jańǵyrý mindetterin atap ótti. Birinshi basymdyqta eldiń údemeli tehnologııalyq jańǵyrý máseleleri kórsetilgen. Ol, eń aldymen, ómirdiń barlyq salalaryna aqparattyq (IT) tehnologııalar engizý qajettigin bildiredi. Elimizdiń damýy jańa ınnovasııalar IT-tehnologııasymen baılanysty. Qazaqstan tek tutynýshy emes, sondaı-aq, IT ónimderin óndirýshi elge aınalýǵa tıis.
Ekinshi basymdyq – bıznes-ortany túbegeıli jaqsartý jáne keńeıtý bolyp tabylady. Qazaqstannyń Úshinshi jańǵyrýynda bıznes sheshýshi ról atqarýǵa mindetti bolady. Prezıdent aıtqandaı, bıznes úshin shyǵyndardyń barlyq túrlerin qysqartý eń mańyzdy sharalardyń biri bolýy kerek jáne bul tek elektr energııasyna, baılanysqa, logıstıkaǵa, kommýnaldyq shyǵyndarǵa ǵana emes, sonymen qatar, ákimshilik shyǵyndarǵa qatysty deımiz. Ekonomıkadaǵy memlekettik sektordyń fýnksııalary barynsha jeke bızneske ótýi tıis.
Úshinshi basymdyqta Prezıdent makroekonomıkalyq turaqtylyqty belgiledi. Bul salada, aqsha-nesıe saıasatynda jáne ekonomıkany qarjylandyrýda jeke kapıtaldy tartýdy yntalandyrý rólin qalpyna keltirý kerek. Bizdiń oıymyzsha, Ulttyq bank týraly Prezıdent óte mańyzdy másele kóterdi. Ulttyq bank tek qana ınflıasııa ǵana emes, sonymen qatar, ekonomıkanyń ósýine jaýapty bolýy tıis. Bul Ulttyq bank mıssııasynyń túbegeıli jańa anyqtamasy bolyp tabylady.
Prezıdent ekonomıkany qoljetimdi jáne uzaq merzimdi qarjylandyrýdy qamtamasyz etý úshin Ulttyq bank pen Úkimetke naqty tapsyrma berdi. Mundaı qarjylandyrýsyz ekonomıkanyń qaıta ósýi múmkin emes.
Tórtinshi basymdyq – adamı kapıtaldyń sapasyn jaqsartý. Osy basymdyqtyń mańyzdylyǵy, ıaǵnı HHI ǵasyrdaǵy jańǵyrý barysy tek bilimdi, belsendi qoǵamǵa ǵana súıengende júzege asatyny eshqandaı talas týdyrmaıdy.
Besinshi basymdyqta Prezıdent ınstıtýttyq reformalar men qaýipsizdik máselesi jáne sybaılas jemqorlyqqa qarsy kúresti atap kórsetti. Menshik quqyǵyn qorǵaý jáne sybaılas jemqorlyqty azaıtý eldiń jańǵyrýy kezeńinde strategııalyq mańyzy zor qadam bolyp tabylady. Osylaısha, Prezıdenttiń bul Joldaýy Qazaqstannyń qazirgi zamandaǵy rólin jáne ornyn anyqtaýda taǵy bir iri qadam boldy.
Qanat OSPANOV,
«Nur Otan» partııasy Saıası taldaý jáne strategııalyq zertteýler ortalyǵynyń bólim meńgerýshisi