Ekonomıka ınnovasııalarǵa arqa súıeýi qajet

Qaraǵandylyqtar El­ba­sy­nyń «Qazaqstan­nyń Úshinshi jańǵyrýy: jahan­dyq básekege qabilet­tilik» taqyrybyndaǵy Jol­daýyn oblys ákiminiń ak­tıvinde talqylady. О́ńir basshysy Nur­muhambet Ábdibekov birin­shi kezekte Joldaý mindet­terin oryndaýda Qara­ǵan­dy oblysynyń róli men áleýetine toqtaldy. Sondaı-aq, ol Qazaqstannyń Úshinshi jańǵyrýyna kómirli aımaq birqatar jetistikterimen kelgenin atap ótti. Aımaq basshysynyń sózi­ne qaraǵanda, jyl qo­ry­tyn­­­dysy boıynsha aı­maq­­tyq jalpy ónimniń artýy 1,3% deńgeıinde. Aýyl sharýa­shylyǵynyń jal­­­py ónim shyǵarý kóle­mi jyl qory­tyndysy bo­­ıy­n­­sha 108,6% deń­ge­ıin­­de qam­tamasyz etil­gen. Sha­ǵyn jáne orta bız­nes sharýashylyq sýbek­­ti­leriniń sany 7%-ǵa artyp otyr. Negizgi kapı­tal­ǵa 315,4 mlrd teńge ın­ves­tısııa salynyp, 2 809 páter paıdalanýǵa beril­gen. Jumyssyzdyq deń­geıi 4,9% quraǵan. 2016 jyly Indýstrııalandyrý karta­synyń jalpy quny 100 mlrd teńgeni quraıtyn 10 joba­sy iske asyrylǵan. Myń­ǵa jýyq jumys orny ashylǵan. QarMTÝ rektory, teh­­nı­ka ǵylymdarynyń dok­­tory Marat Ibatov ǵalym­dar qaýymdastyǵy Mem­le­ket basshysy usynǵan Qazaq­stan ekonomıkasyn jańǵyrtý­dyń údemeli te­h­no­logııasyn tolyq qol­daıtynyn jáne ın­dýs­t­rııany damytýǵa ǵy­lym­­nyń ınnovasııalyq úlesin arttyrýǵa, qajetti ma­man­dardy daıyndaý boıyn­sha mindettemeni sapaly oryn­daýǵa erekshe jaýap­kershilik sezinip otyrǵanyn aıtty. Jınalysta Jezqaz­ǵan qalalyq máslıhaty­nyń depýtaty, bilim berý sa­la­­synyń mesenaty, ob­lys­tyq Qazaqstan halqy Assam­bleıasynyń Jezqaz­ǵan qalasyndaǵy qoǵam­dyq keńesiniń tór­aǵasy Bek­zat Altynbekov, «Qazaq­mys korporasııasy» JShS Nur­­qazǵan ken baıytý fab­rıkasynyń dırektory Murat Bóribaev, «Gıp­pokrat» JShS dırektory Na­dejda Hohlova, «Kásip­ker­­likti qoldaý jáne da­mytý qory» korporatıvti qory­nyń dırektory mindetin atqarýshy Saıran Syzdyqov jáne Shet aýdany «Aqatan» ShQ basshysy Birjan Imanov sóz aldy. Máselen, Birjan Imanov óz kezeginde bul Joldaý aýyl eńbekkerlerine úlken rýh bergenin, memleket qoldaýynyń arqasynda óz sharýashylyǵyna Reseı­den 200 bas iri qara satyp alyn­ǵanyn, aýdanda 28 úı sharýa­shylyǵy birigip, «Alǵa» kooperatıvin qurǵa­nyn, aýyl sharýashyly­ǵyn­daǵy sýbsıdııalardy bólý jaǵdaılaryn qaıta qaraý, nesıelik jeńildikter, ózge de mańyzdy sharalar shyn máninde óz tıimdiligin kór­setip otyrǵanyn jetkizdi. Kezdesýdi qorytyn­dy­laǵan N.Ábdibekov ob­lys­tyń árbir turǵynyna osy qujattyń mánin túsin­dirý kerek­tigin, munda elimiz­diń aldaǵy ýaqyttaǵy ári qaraı­ǵy is-áreketiniń barlyq baǵ­dar­lamasy kórsetilgenin, osy oraı­da qaraǵandylyqtar da El­basy Joldaýynda bel­gi­­­len­­gen mindetterdi sátti oryn­­­daý úshin bar kúshin sala­ty­­­ny­­na senim bildiretinin aıtty. Sondaı-aq, oblys bas­shysy jańa naryqqa shyǵý, sapasy joǵary ónimder óndirý, onyń ishinde, kómirdi tereń óńdeý boıynsha teh­no­logııalar men kómir hı­mııa­sy óndiristerin qurý qa­jettigine nazar aýdardy. Jıyn sońynda N.Ábdibekov basqarmalarǵa, qalalar men aýdandar ákimderine naqty tapsyrmalar berdi. Mıras ASAN, «Egemen Qazaqstan» QARAǴANDY