О́tken apta qorytyndysy boıynsha munaı baǵasy dúısenbiden beri qymbattaǵany baıqaldy.
Qara altyn qunynynyń kóterilýi munaı eksporttaýshy elderdiń jappaı óndiristi azaıtýyna tikeleı baılanysty bolǵanyn aıtady treıderler.
Sonymen qatar AQSh-tyń Irandaǵy memlekettik kompanııalar men laýazymdy tulǵalarǵa qarsy salǵan jańa sanksııalary da munaı baǵasyn ósire tústi.
Juma kúni London qor bırjasynda Brent markasy baǵasy 0,25 dollarǵa qymbattap, 56,81 dollarǵa jetti. Al apta ishinde baǵa 4 aptalyq rekordty jańartyp, 57,45-ke deıin barǵan edi.
Ásirese OPEK elderi ókilderiniń munaı óndirisi jospardaǵy kestege saı qysqartylyp jatyr degen málimdemesinen keıin baǵa sharyqtap ketti. Esterińizge sala keteıik, ótken apta Qazaqstannyń Energetıka mınıstrligi respýblıkanyń munaı óndirisin azaıtý týraly kelisim talaptaryn artyǵymen oryndalyp jatqanyn málimdegen edi.
Jalpy, osy aptada munaı baǵasynyń qubylýyna túrtki bolatyn sharalardyń mańyzdylary mynalar:
Seısenbi, 7 aqpan
Halyqaralyq energetıkalyq agenttiktiń AQSh munaı eksporty týraly málimdemesi shyǵady.
Sársenbi, 8 aqpan
AQSh Energetıka mınıstrligi AQSh munaıy men janarmaı qory týraly aptalyq esebi jarııalanady.
Beısenbi, 9 aqpan
AQSh Energetıka mınıstrligi AQSh tabıǵı gaz qory týraly aptalyq málimdemesin jasaıdy.
Juma, 10 aqpan
Baker Hughes kompanııasy AQSh-taǵy burǵylaý qurylǵylarynyń sanyn jarııalaıdy.