QR Premer-Mınıstri Baqytjan Saǵyntaev QR Úkimeti otyrysy barysynda eksport jáne ımport jónindegi ulttyq kompanııalar qurý máselesin pysyqtaýdy tapsyrdy.
QR Prezıdenti Nursultan Nazarbaevtyń qatysýymen Qazaqstan Úkimetiniń keńeıtilgen otyrysy ótti, onyń barysynda QR Prezıdentiniń Joldaýyn oryndaý boıynsha mınıstrler kabınetiniń aldyna birqatar naqty mindetter qoıylǵan bolatyn.
QR Premer-Mınıstri Baqytjan Saǵyntaev ótken jyldyń 6 jeltoqsanyndaǵy «Indýstrııalandyrý kúninde» jáne Qazaqstan halqyna Joldaýynda Memleket basshysy ekinshi besjyldyqtyń negizgi basymdyqtary – bul ónimdiligi joǵary basymdyqty salalardaǵy eksporttyq óndiristerdiń básekege qabilettiligin damytýdy belgilegenin eske salyp ótti.
Osyǵan baılanysty B. Saǵyntaev Investısııalar jáne damý mınıstrligine salalyq mınıstrliktermen jáne ákimdiktermen birge Prezıdent belgilegen 72 nysannyń ár qaısysy boıynsha pysyqtaýdy jáne sáıkes sharalar keshenin ázirleýdi tapsyrdy.
Sondaı-aq, QR IDM-ge múddeli memlekettik organdarmen, ákimdiktermen jáne Ulttyq palatamen birge jańa jobalardy irikteý boıynsha tıimdi tásilderdi ázirleý tapsyryldy.
«Memlekettik qoldaýdy básekege qabilettilikti arttyrýǵa jáne eksporttyq naryqtarǵa shyǵýǵa arnalǵan naqty josparlary bar jobalar ǵana alýy tıis», - dep atap ótti B. Saǵyntaev.