Astanada Sırııadaǵy jaǵdaıdy retteýge qatysty halyqaralyq tehnıkalyq kezdesý ótip jatyr. Bul týraly QR Syrtqy ister mınıstrliginiń baspasóz hatshysy Ánýar Jaınaqov habarlady.
«Astanada sırııalyq jaǵdaıdy retteý boıynsha Reseıden, Irannan kelgen sarapshylardyń, sondaı-aq BUU ókilderiniń qatysýymen úshjaqty halyqaralyq kezdesý ótip jatyr. Munymen qosa, Iordanııa ókilderiniń de qatysýy kútilýde. Kún tártibine jaýyngerlik is-qımyldardy toqtatý týraly rejimdi saqtaý, oq atýdy doǵarý ýaǵdalastyǵyn bekitý jónindegi qarýlanǵan sırııalyq oppozısııanyń usynysyn talqylaý, áskerı is-qımyldardy toqtatý rejimin qoldanýdyń naqty parametrlerin aıqyndaý taqyryptaryn talqylaý engizilgen»,-dedi Jaınaqov.
Onyń aıtýynsha, taraptar bıyl 23-24 qańtar aralyǵynda Astanada ótken halyqaralyq kezdesýdiń qorytyndysy boıynsha saıası máselelerdi talqylaıdy.
Sonymen qatar, kúnniń ekinshi jartysynda kezdesý qorytyndysy boıynsha brıfıng ótetini aıtylady.