Alǵashqy qazaqstandy astyq Qytaıdyń Lıanıýngan porty arqyly Vetnamnyń Hoshımın portyna jiberildi, dep habarlady «Qazaqstan temir joly» UK» AQ baspasóz qyzmeti.
«QTJ» UK» AQ enshiles kásiporny «KTZ Express AQ Lıanıýngan qalasyndaǵy «Qytaı-qazaqstan halyqaralyq logıstıkalyq kompanııasy» JShS-men birlesip, qanatqaqty joba retinde osy baǵdardy tańdady.
Atap óterligi, Qazaqstannyń Jaltyr stansııasynan tuńǵysh ret 32 konteınermen 700 tonna qazaqstandyq astyq Lıanıýngan porty arqyly Hoshımın portyna jóneltildi.
Lıanıýngan portynda qazaqstandyq astyqty jiberýge qatysty saltanatty shara ótkizildi. Oǵan «Lıanıýngan» porty MK» JShS dırektorlar keńesiniń tóraǵasy Dın Jýı qatysyp, qytaı tarapynyń Qazaqstan aýmaǵy arqyly kólik dálizin damytýǵa, qazaqstandyq ónimderdi Qytaı aýmaǵy arqyly Ońtústik –Shyǵys Azııa elderine shyǵarýǵa qoldaý kórsetetindigin atap ótti. Osy dáliz arqyly Qazaqstanǵa Ońtústik Shyǵys Azııa elderiniń túrli ónimderin jetkizý de josparlanyp otyr.
Qazaqstandyq ónimdi Lıanıýngan portynyń áleýetin paıdalana otyryp júzege asyrý Jibek joly ekonomıkalyq beldeýin damytýdy kózdeıdi.