Aldaǵy ýaqytta Qazaqstandaǵy óndiristik oryndarda jas mamandardyń sany kóbeıedi, dep jazady Qazaqparat.
“Qazirgi kezde respýblıka boıynsha 20 myńnan astam bos jumys oryndary bar. Ol jerlerge kásibı mamandar jetispeı jatyr. Sondyqtan bıylǵy Joldaýda kásibı bilim berýge qatysty talap-mindetter oryndy qoıylyp otyr. Máselen, bıyldan bastap jastar alǵashqy jumysshy mamandyǵyn tegin alady. Osymen óndiristerdi kásibı mamandarmen qamtamasyz etýdiń burynǵy júıesi qaıtyp kelip otyr. Sondyqtan aldaǵy ýaqytta jańa kásiporyndar men zaýyttarda jas ári kásibı mamandar kóbeıetin bolady”, – dedi Qusaıynov búgin Ortalyq kommýnıkasııalar qyzmetinde ótken baspasóz máslıxatynda.
Aıta keteıik, búgingi shara barysynda federasııa basshysy arnaıy saýalnamanyń nátıjesinde qazirgi eń tómengi kúnkóris deńgeıiniń anyqtalǵanyn jetkizdi. Onyń aıtýynsha, atalǵan jumystyń tolyq esebi jaqyn arada Úkimettiń qaraýyna usynylady.