IBO tujyrymy boıynsha orta salmaqta álem chempıony kishi Krıs Iýbenk bıyl WBA (Super), IBO, WBC jáne IBF tujyrymdary boıynsha orta salmaqtaǵy álem chempıony Gennadıı Golovkınmen kezdesetinin málimdedi. Bul týraly vesti.kz habarlady.
«Bul jekpe-jekti tek men ǵana emes búkil álem kútip otyr dep aıta alamyn. О́z basym buǵan 100 paıyz daıynmyn. Golovkındi sońǵy eki jyl boıy jekpe-jekke shaqyryp júrmin. Bul aıqas 2017 jyly ótedi», – dedi boksshy.
Kishi Iýbenk ótken senbi kúni Londonda ótken jekpe-jekte avstralııalyq Renold Kýınlandy nokaýtqa túsirip, IBO tujyrymy boıynsha álem chempıony atanǵan. Osy jeńisinen keıin ol birden Golovkındi sharshy alańǵa shaqyrdy.
Al boksshynyń ákesi bir aptadan keıin qazaqstandyq sportshynyń komandasymen kelissóz júrgizetinin aıtqan bolatyn.
«Endi kóp nárse bizdiń qolymyzda. Mıllıondaǵan kórermeni bar ITV degen kúshimiz bar, al ulym Ulybrıtanııanyń eń bedeldi boksshysy. Birinshi kezekte Golovkınmen judyryqtasýdy kózdep otyrmyz. Ony qalaı jeńý kerek ekenin jaqsy bilemiz», – dedi boksshynyń ákesi.
Aıta keteıik, kishi Iýbenk pen qazaqstandyq bylǵary qolǵap sheberi 2016 jyly kezdesý ótkizý jóninde kelissóz júrgizgen. Alaıda, bul proseste Iýbenktiń ákesi tym kóp gonarar suraǵanyna baılanysty toqtap qalypty. Málimetter boıynsha, ulybrıtanııalyqtar 6 mıllıon dollardan bas tartqan kórinedi.