Delegattar Sırııada soǵys qımyldaryn toqtatý rejıminiń tolyq oryndalýy úshin ózara árekettestikti jalǵastyrýǵa daıyn ekenderin rastady. Bul týraly RF QK Bas shtabynyń bas jedel basqarmasy basshysynyń orynbasary, general-maıor Stanıslav Gadjımagamedov málim etti.
«23-24 qańtarda Astanada ótken Sırııadaǵy jaǵdaıdy retteý boıynsha kelissózder barysynda birlesken top qurý týraly sheshimge qol jetkizilgen bolatyn. Búgin Reseı, Túrkııa men Iran delegasııalary, sondaı-aq BUU ókilderi atalǵan toptyń alǵashqy otyrysyn ótkizdi. Qatysýshylar Sırııada áskerı is-qımyldy toqtatý rejımin oryndaý barysyn talqylady. Sondaı-aq osy rejımdi tolyǵymen oryndaýǵa qajetti arnaıy baqylaýdy júrgizý, san-alýan arandatýshylyq áreketteriniń aldyn alý men atysty toqtatý rejıminiń barlyq talaptaryn oryndaý jaıy sóz boldy. Delegattar ózara senim sharalaryn pysyqtap, gýmanıtarlyq kómektiń kedergisiz jetkizilý máselesine toqtaldy. Taraptar Sırııadaǵy soǵys qımyldaryn tolyǵymen toqtatýǵa múddeli ekenderin jetkizdi», – dep atap ótti S.Gadjımagomedov.