2016 jyldyń qorytyndysy boıynsha bankterdiń zańdy tulǵalarǵa ulttyq valıýtada bergen kredıtteri boıynsha mólsherlemelerdiń 2016 jylǵy qańtardaǵy eń joǵarǵy 25,8%-dyq mánnen 2016 jylǵy jeltoqsanda 14,4%-ǵa deıin birtindep tómendeýi baıqaldy.
Teńgemen kredıtter boıynsha mólsherlemelerdiń tómendeýine qysqamerzimdi ótimdilikpen ahýaldyń jaqsarýy, banktik qyzmetter naryǵynda básekelestiktiń kúsheıýi, Ulttyq Banktiń bazalyq mólsherlemesiniń jáne ishki qorlandyrý qunynyń tómendeýi yqpal etti. Osylaısha, teńgemen kredıttik resýrstar aıtarlyqtaı qoljetimdi bolýda, tıisinshe, kásiporyndardyń aǵymdaǵy qyzmetin qarjylandyrý kózi retinde qarastyrylýda. Mólsherlemeniń oń serpini saqtalǵan jaǵdaıda negizgi kapıtalǵa ınvestısııalar kózi retinde teńgemen kredıtteýdiń róli artady.
Kredıtter boıynsha mólsherlemeniń tómendeýi beriletin qaryzdar kóleminde baıqaldy. 2015 jylmen salystyrǵanda kásiporyndarǵa ulttyq valıýtada berilgen kredıtter 2,2%-ǵa 5 549,3 mlrd. teńgege deıin ósti, bul rette 55%-y bazalyq mólsherlemeniń neǵurlym tómen kezeńinde - ekinshi jartyjyldyqta berildi. Ulttyq valıýtamen kredıtterdiń aıtarlyqtaı kólemi ekonomıkanyń saýda (52,6%), ónerkásip (27,5%), qurylys (5,5%) sııaqty salalarynyń kásiporyndaryna baǵyttalǵan bolatyn.