Nursultan Nazarbaev Cheh Respýblıkasy Parlamentiniń Depýtattar palatasynyń tóraǵasy Iаn Gamachekpen kezdesti, dep habarlady Qazaqstan Prezıdentiniń baspasóz qyzmeti.
Kezdesý barysynda ekijaqty yntymaqtastyqtyń nátıjeleri men perspektıvalary talqylandy.
Memleket basshysy parlamentaralyq kooperasııanyń mańyzdylyǵyn atap ótip, eki eldiń ekonomıka jáne saıasat salasyndaǵy qarym-qatynasyn odan ári damytýǵa Qazaqstannyń ázir ekenin jetkizdi.
– Sizdiń saparyńyz óte mańyzdy. Cheh Respýblıkasymen aramyzda áýel bastan-aq dostyq qarym-qatynas ornady. Cheh Respýblıkasynyń Prezıdenti M.Zeman bizde qonaq boldy. Endi onyń EKSPO-2017 kórmesiniń ashylýyna kelýin kútemiz, – dedi Qazaqstan Prezıdenti.
Cheh Respýblıkasy Parlamentiniń Depýtattar palatasynyń tóraǵasy 25 jyl ishinde qýatty da turaqty memleket qurǵan Qazaqstan halqy tarıhynyń biregeı sıpatyna toqtalyp ótti.
Sońynda Iа.Gamachek Nursultan Nazarbaevty táýelsizdigimizdiń 25 jyldyǵymen quttyqtap, jas memleketimizdiń odan ári ósip-órkendeı berýine tilektestik bildirdi.
Sýret Prezıdenttiń baspasóz qyzmetinen alyndy