Parlament Senatynyń Tóraǵasy Qasym-Jomart Toqaev Chehııa Parlamenti Depýtattar palatasynyń tóraǵasy Iаn Gamachekpen kezdesti, dep habarlady Qazaqstan Respýblıkasy Parlamenti Senatynyń baspasóz qyzmeti.
Q.Toqaev bul sapar Qazaqstan men Chehııa parlamentteri arasyndaǵy belsendi qatynastardyń kórinisi ekenin atap ótti. Buǵan deıin eki eldiń senatorlary arasynda ekijaqty jemisti saparlar bolǵan edi. Tóraǵanyń pikirinshe, eki el arasyndaǵy zańnamalyq tájirıbeni jetildirýge, ári dostyq qarym-qatynastardy damytýǵa parlamentter arasyndaǵy únqatysýdy jalǵastyrý qajet.
Q.Toqaev aldaǵy konstıtýsııalyq reforma týraly jáne Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» Joldaýynyń mańyzdy aspektileri jóninde keńinen habardar etti.
«Memleket basshysy Nursultan Nazarbaevtyń jańa saıası bastamasynyń negizi – memlekettik basqarýda prezıdenttik sıpat saqtala otyryp, elde júrgizilip jatqan reformalardyń jaı-kúıine Parlament pen Úkimettiń jaýapkershiligin kúsheıtý bolyp otyr», – dep atap ótti Q.Toqaev.