Chehııalyq áriptesimen áńgimelesti

Májilis Tóraǵasy Nurlan Nyǵmatýlın bizdiń elimizge alǵash ret resmı saparmen kelgen Chehııa Parlamenti Depýtattar palatasynyń tóraǵasy Iаn Gamachek bastaǵan delegasııamen kezdesti. Bul – ekijaqty parlamentaralyq qarym-qatynas úshin tarıhı oqıǵa, dep habarlady Májilistiń baspasóz qyzmeti. Bul N.Nyǵmatýlınniń piki­rin­she, Chehııanyń ekijaq­ty áriptestikti odan ári ynta­lan­­dyrýǵa degen múddeliligin bildiredi. Chehııa Qazaqstannyń Orta­lyq jáne Shyǵys Eýropa­daǵy mańyzdy saıası jáne ekono­mıkalyq áriptesi ekenin alǵa tartqan Májilis Spıkeri qos memleket prezıdentteriniń ózara senim men syndarly qatynas­qa qurylǵan mańyzdy kezdesý­leri ekijaqty yntymaqtastyq­ty nyǵaıtýǵa serpin berip kele jatqanyn atap ótti. Palata Tóraǵasy kezdesý ıelerine Qazaqstan Prezıdenti­niń bılik tarmaqtary arasynda ókilettikterdi qaıta bólý týraly Úndeýi jáne bıylǵy halyqqa arnaǵan Joldaýdyń basym baǵyttary jaıynda áńgimeledi. Joldaýda, ásirese, ekonomı­ka­­lyq baǵytty jańǵyrtýǵa aı­ryq­sha nazar aýdarylǵanyn alǵa tart­qan N.Nyǵmatýlın Qazaq­­stan ekonomıkasynda Chehııa­nyń ózin­dik orny bar ekenine toq­taldy. Máselen, bizdiń elimizde chehııaly­q kapıtaldyń qatysýy­men 100 birlesken kásiporyn jumys isteıdi. Osy ýaqytqa deıin Qazaqstan ekonomıkasyna tartylǵan ınvestısııa kólemi 186 mln dollardy quraıdy. Al búgingi kúni ózara is-qımyldy odan ári kúsheıtýdiń basym baǵyttary – aýyl sharýa­shylyǵy, mashına jasaý, energetıka, farmasevtıkalyq óndiris jáne týrızm salalary. О́z kezeginde Iаn Gamachek, Qazaqstannyń 25 jyl ishinde jetken jetistikterin tarıhı tabys dep baǵalaı kelip, Qazaqstan Prezıdentiniń tek aımaqtyq emes, álemdik saıasattaǵy tulǵalyq róline aıryqsha kóńil bóldi. Kezdesý ıeleri osy jyldyń maýsym aıynda Astanada ashy­latyn EKSPO-2017 halyq­aralyq kórmesin de nazardan tys qaldyrmady. Onda Chehııa Pre­zıdenti Mılosh Zeman qur­metti qonaq retinde qatysady dep kútilýde. Kórmede atalǵan memlekettiń arnaıy pavılony bolady, bul Praganyń EKSPO mamandandyrylǵan kórmesine alǵash ret qatysýy. Júzdesý barysynda, sondaı-aq, aımaqtyq qaýipsizdik, máde­nı-gýmanıtarlyq, sonymen birge, parlamentaralyq yqpal­dastyqty kúsheıtýdiń mańyzdy máseleleri talqylandy.