Búgin elimizdiń basym bóliginde atmosferalyq aǵymdardyń ótýine baılanysty qar jaýyp, tuman túsedi, jel kúsheıip, boran soǵady. Bul týraly «Qazgıdromet» habarlady.
Aqmola oblysynyń keı jerlerinde qar borap, tuman túsedi jeldiń kúshi sekýndyna 15-20 metrge jetedi.
Almaty oblysynyń birqatar aımaqtarynda túnde tuman túsip, kúndiz Jalańashkól aýmaǵynda jeldiń kúshi 17-22 m/s deıin jetedi.
Jambyl oblysynda keı jerlerde tuman túsip, túnde jeldiń kúshi 15-20 m/s bolady.
Ońtústik Qazaqstan, Qyzylorda, Mańǵystaý, Qaraǵandy, Atyraý oblystarynyń jekelegen aımaqtarynda tuman túsip, Atyraý oblysynyń keı jerlerinde kóktaıǵaq bolady.
Aqtóbe oblysynda túnde keı jerlerde jel kúsheıip, jyldamdyǵy 18 m/s deıin jetedi.
Qostanaı oblysynda burqasyn bolyp, túnde oblystyń basym bóliginde, kúndiz keı jerlerde 15-20 m/s jyldamdyqpen jel soǵady.
Soltústik Qazaqstan oblysynda jeldiń kúshi 15-20 m/s deıin jetedi.
Batys Qazaqstan oblysynda burqasyn bolady.
Shyǵys Qazaqstan oblysynyń basym bóliginde tuman túsip, kúndiz jel 15-20 m/s jyldamdyqpen soǵady.