QR Aqparat jáne kommýnıkasııa mınıstrligi «Sandyq Qazaqstan» baǵdarlamasynyń jobasyn Úkimetke engizýdi josparlaýda. Bul týraly búgin Úkimet otyrysynda vedomstvo basshysy Dáýren Abaev málim etti.
Úkimettiń 2017 jyldyń jartyjyldyǵyna arnalǵan jumys josparyn jasaqtaý barysynda Aqparat jáne kommýnıkasııalar mınıstrligi aldaǵy alty aıdaǵy is-qımyldyń basym baǵyttaryn atady.
«Biz bıylǵy jyldyń maýsym aıynda «Sıfrli Qazaqstan» memlekettik baǵdarlamasynyń jobasyn Úkimetke engizýdi josparlap otyrmyz. Tutastaı alǵanda, baǵdarlamanyń basty maqsaty - qazaqstandyqtardyń ómir sapasyn arttyrý ári ulttyq ekonomıkany sıfrlandyrý. Qujatty júzege asyrý sheńberinde 2020 jylǵa deıin ınternet qoldanýshylardyń sanyn 80 paıyzǵa deıin arttyrý, turǵyndardyń 95 paıyzyn sıfrlyq xabar taratýmen qamtý, azamattardyń sıfrlyq saýattylyǵyn 80 paıyzǵa deıin arttyrý kózdelýde», - dedi mınıstr Úkimet otyrysynda.
Aıta keteıik, QR Prezıdenti óziniń bıylǵy Joldaýynda Úkimetke «Sandyq Qazaqstan» baǵdarlamasyn júzege asyrýdy tapsyrǵan bolatyn.