Qazaqstan fýtbol federasııasynda qyzdar fýtbolyna qatysty jıyn ótti. Jıynda jańa bapkerler tanystyryldy, dep habarlaıdy QFF baspasóz qyzmeti.
17 jasqa deıingi Qazaqstan qyzdar quramasynyń aǵa jattyqtyrýshysy qyzmetine Orynbasar Dáýrenbekova taǵaıyndaldy. Osy ýaqytqa deıin quramany Danııar Qaıyrbaev jattyqtyryp kelgen.
19 jasqa deıingi Qazaqstan qyzdar quramasyn Petr Pak jattyqtyratyn boldy. Ol bul qyzmette ýkraınalyq maman Roman Zaevtyń ornyn basty. Jańa bapker 2010-2015 jyldar aralyǵynda «Kókshe» fýtbol klýbyn jattyqtyryp, bes márte Qazaqstan chempıonatynyń qola júldegeri atanǵan.
Qazaqstan áıelder quramasynyń bas bapkeri qyzmetine Aıtpaı Jamantaev taǵaıyndaldy. Jamantaev buǵan deıin komandanyń aǵa jattyqtyrýshysy mindetin atqaryp kelgen edi. Ol bul qyzmette bolǵan bolgarııalyq Kaloıan Petkovty aýystyrdy. Bas bapkerge otandyq maman Vladımır Lıapkın kómektesedi.