Almatyda ótip jatqan qysqy Ýnıversıada oıyndarynda qazaqstandyq shańǵyshy Anna Shevchenko el qorjynyna besinshi júldesin saldy.
Ol 15 shaqyrymdyq mass-start saıysynda qola júldege ıe boldy. Bul synda altyn medal reseılik Lılııa Vasılevaǵa buıyrsa, ekinshi orynǵa onyń otandasy Anna Nechaevskaıa turaqtady.
Sonymen qatar, Qazaqstan atynan shyqqan Olga Madrıka (+48.1) besinshi, Angelıka Shýryga (+1:48.2) segizinshi, Marına Matrosova (+3:05.4) toǵyzynshy bolyp keldi.
Aıta keteıik, Anna Shevchenko Ýnıversıada oıyndarynda eki qola, bir kúmis jáne bir altyn júlde jeńip alǵan.